#أبي_لم_يكن_إنساناً
البارت الواحد والثلاثون
للكاتبة لبنى الموسوي
همام.. اشهر مرت واني حاير بـ المشكلة الصارت
ما خليت شي ما سويتة
ردت بس خيط يوصلني للطرف الغلطان بس للأسف ما حصلت
حاولت استفز الاء حتى اسحب الكلام منها منجحت
وصلت للدكتورة الأشرفت على اسقاطها
وسألتها بلكي توصلني للبر بـس چان ردها واني شلون اتذكر اذا بالشهر الواحد ألاف المريضات يطرحن
خليت خديجة تاخذها للدكتورة بحجة العلاج
ونفس الكلام گالت اي عدها إسقاط من قبل وهذا كان دليل دامغ ضد طيبة
ومن يومها واني ماخذ موقف من الأثنين
بس طيبة أكثر
هيَّ هنا المتهمة وللأسف ماكو دليل على برائتها بس مع ذلك ظليت مشاكل ويا الاء بسبب شكي المستمر بيها
طبعاً چنت مقرر بنتائج نص السنة أنهي الخلاف وياها
لأن اعرف بيومها راح تحاول تحاچيني
فـ گلت لهنا وكافي اذا هيَّ مسويتها اكيد صارتلها عبرة خصوصاً هي تحلف ممسويتها ومع ذلك ترجع وتعتذر
المشكلة احس بيها شي من بتول
ابد متهون علية
بس انجبرت احاسبها لأن حالياً هي مسؤوليتي وبـ عمر خطر فـ التربية ابداً مو سهلة خصوصاً وهنَّ مو وحدة أثنين
المهم عشت بـ دوامة بس الله يعلم بيها
وبين الأدلة واحساسي ظليت ضايع بس شگد الحقيقة تريد تطول بالخفاء لابد يجي يوم وينكشف المستور
اليوم گاعد بالمكتب والشغل ماخذ كل تركيزي
انفتحت الباب ودخل أبو الاء
گمت ع السريع تسالم ويا وعليكم السلام كل الهلا عمي نورت المكان
- رحم الله والديك وليدي
اي شلونك أخبارك شو ماكو ما تبينون لا انتَ ولا مرتك
- والله عمي بالنسبة الي مگاعد الحگ مثل متشوف
من الصبح لليل يا شغل يا مشاكل البيت
أما الاء اني ممانعها منكم على طول اگولها خلي أوديچ لأهلچ تشوفيهم بس تتحجج والله مالي خلگ
- متقصر حبيبي ادري بيك ذهب صافي ماكو منك
- اصلك الذهب عمي ديلا تفضل استريح لويش واگف
- زاد فضلك
حچاها وگعد مباشرتاً طلبتلة گهوة
بالنص ساعة نسولف بالشغل ومشاكلة أخر شي گال اكو موضوع جايك بي أهم من هالحچي
- خير عمي تفضل
- ولو المكان مو مناسب بس شسوي لا انت الفارغ ولا اني صايرين بس بالمناسبات نتشاوف
- حقك والله ادري مقصر وياكم بس الظروف حكمتني
- عادي أبني قابل ما اعرف بمشاكل شغلك
- المهم تفضل خو ماكو شي
- لا ماكو شي
كالعادة شعدنا غيرك انتَ والاء حتى الواحد عيب يحچي
- ليش بس لا الها عين ورجعت تشتكي الك مني ؟!!
- لا اصبر مو هيچ السالفة
- خير لعد
YOU ARE READING
أبي لم يكن إنسانًا
General Fictionالأثار التي على جسدي هيَّ من أوصلتني إلى ما أنا عليهِ الآن أنا تلكَ الطفلة التي كبرت قبلَ أن تكبر أنا تلكَ الطفلة التي أصبحت امًا لِـ طفلين وهيَّ في السابعة من العمرِ فقط أنا من قالَ عنهُ الله في محكمِ كتابهِ العزيز ( فأما اليتيم فلا تقهر )....
