#أﺑﻲ_ﻟﻢ_ﻳﻜﻦ_إﻧﺴﺎﻧﺎً
البارت الثالث والعشرون
للكاتبة ﻟﺒﻨﻰ ﺍﻟﻤﻮﺳﻮﻱ
فـي أعمـاق جوفـي صرخـة
أود أن أطلـق بها الـى عنـان تـلكـ السمـاء
لأخبـر الله
مـن أيـن لـي أن أحمـل بيـن ثنايا قلبـي هـذا الآسـى ؟!!
أن أُخلـق مـن صلب رجـل فاسـد
أن أُقـر وأعتـرف...
ولـدت طفلـة بـريئـة فـ لـم يكـن أبـي إنـسانـاً
كـان أشبـه بـ حفـرة مُـظـلمـة
وأنـا فيـها سقطـت
ثـم نهضـت
فـ تـعثـرت
حتـى ضـاق صـدري مـن شديـد ظلمتـها فـ مـت
فـ مـن أيـن لـي أن أموت
وأنـا علـى قيـد وحشيـة والـدي أعيـش
ومن أيـن لكـ أن تنظـر الـى عبدك يحتضـر فـ تعـرض عن رد الأمانـة اليـك خالقـي.....
همام.. ﻣﺮﺕ الأﻳﺎﻡ بـ هدوء بعد غياب الاء عن البيت
لا اني التواصلت وياها ولا هي التنازلت
بـس چان أبوها بـ أستمرار يحاول يهدأ الموقـف بيناتنا كـ العادة ويتأمل أتصل بيها حتى أنهي هالخلاف
كلما يشوفوني يگول هي متتصل متعمدة
تريدك تحس بـ قيمتها
ومن تشوف نفسك راح تخسرها تتراجع عن عنادك
هه بس والله ما الومة لأن حقة ميدري
اني دأحسب يوم بعد يوم عسى ولعل أخسرها وارتاح
ﺧﻠﺼﺖ عدة طيبة وأبوها لا حس ولا خبر
لا عندي رقمة وأتصل بي
ولا أندل عنوان الة حتى أروح وأحل هالسالفة ويا قبل ليسوي ملعوب ويضغط علية بـ بنتة
اليوم گاعد بـ مكتبي
الأوراق گدامي والشغل واصل الـ فوگ راسي
دخـل عليـة الشرطـي اللـي بـ البـاب أحـترامـي سيـدي
- ها علي خير
- ﺍﻛﻮ ﺭﺟﺎﻝ ﺑﺎﻟﺒﺎﺏ
يگول هو أﻗﺎﺭب حضرتك ﻭطلب مني يقابلك ضروري
- ﺷﻨﻮ أسمة ﻣﺎ گال ؟!!
- ﻻ ﻭﺍﻟﻠﻪ ﺳﻴﺪﻱ سألتة بس ما قبل يحچي
- لعد ﺧﻠﻲ ﻳﻨﺘﻈﺮ شوية
مثل مدتشوف الهوسة شگدها گدامي مفارغ للمقابلات
- صار سيدي أحترامي الحضرتك
حچاها وطلع
رجعت أشتغل ماكو دقيقتين ودخل مرة ثانية ها خير
- ﺳﻴﺪﻱ والله خبصني
اگولة انتظر يصيح لازم اقابلة حتى عدنا موعد اليوم
- موعد ؟!!
- أي هو گال بس بلغة بـ هالشي ومتأكد راح يعرفني
صفنت ويا نفسي موعد شنو معقولة هذا رزاق ؟!!
باوعت الـ علي خلي يتفضل بسرعة
- صار سيدي
وفعلاً ثواني بسيطة ودخل علية رزاق ابتسمت بـ مكر
- واخيراً بينت رزاق افندي
- السلام عليكم بالأول لو متعرف تسلم
- جاوبتة واني گاعد
وعليكم السلام ولو الأسلام بريء منك ومن أمثالك
- بدينا بالحچي الفارغ
أنت تقرأ
أبي لم يكن إنسانًا
General Fictionالأثار التي على جسدي هيَّ من أوصلتني إلى ما أنا عليهِ الآن أنا تلكَ الطفلة التي كبرت قبلَ أن تكبر أنا تلكَ الطفلة التي أصبحت امًا لِـ طفلين وهيَّ في السابعة من العمرِ فقط أنا من قالَ عنهُ الله في محكمِ كتابهِ العزيز ( فأما اليتيم فلا تقهر )....
