#أبي_لم_يكن_إنساناً
البارت السابع والأربعون
للكاتبة لبنى الموسوي
بلعتها وسكتت بس داخلي صاير بركان من القهر
گال يلا تردين شي
نترت بـ عصبية لا ما اريد ،، ابتسم وطلع بدون ميحچي شي باوعت ورى هسة مو مال اركض وادفعة من ظهرة دفعة تريح جدي السابع عشر بـ گبرة
مو علمود شي بس خمس أشهر واني متبهذلة هنا
لا مكاني لا فراشي لا ملابسي
حتى الجامعة خلصت المرحلة تقريباً بـ أربع قطع خلف الله على زينة وصفاء لبست منهن كم مرة كـ تغيير
هاي من غير اشتياقي الأهل همام
قبل لا اطلع وعدتهم يوم وارجه هسة وبعد كلامه هذا لو يموت ما انزل نفسي اله حتى لو راد يرجعني همْ ما ارجع
اختنگت كلش.. ضايجة منه مو علي
عفت الكل ورحت الـ بيبتي چانت گاعدة بالصالة بعدت إيدها عن حضنها ونمت ادري رجلچ توجعچ تحمليني
- شبيچ يمة صاير وياچ شي
- لا بيبي شيصير يعني بس احبچ ومحتاجة الـ حضنچ
- ي بعد شيب أهلي
واني اموت عليچ ظلي نايمة لحد مترتاحين لتشيلن هم رجليه بيبيتچ بعدها حيلها يعادل حيل الشباب
- ههههه يا رب دوم هالحيل لأن ما احب اشوفچ تعبانة
دخلوا عمي محمود والولد بـ هالأثناء للصالة
بس شافني عمو صاح كبرتي على هالسوالف گومي ولچ
- اني اگول انتِ الـ كبرت على هالسوالف عيب تغار على أمك اخذت حقك وزيادة خلي الباقي النا
سعد.. هههههه يابة هالطيبة صايرة كارثة مينگدر عليها
سمير.. اي لسانها صاير لسان دلالات
متر ونص وياا توصالة اخاف تعوز شوية عدها احتياط
صفية.. دعوفوا البت بحالها شجاكم وياها
بعدين وين اكو منها اثنين طيبة وأسمها عليها ما اسمح الكم تزعلون بنيتي ازعل هااا
طيبة.. عوفيهم بيبي يغارون مني حقهم مينلامون والله
- اجت عمة نهاية رحمة بـ إيدها
گومي طيوبة أختچ عدها امتحان باچر واني طفيت من الرئيسي قريها فدوة الـ طولچ والمراجعة علية عود
صالح.. تعالي رحمة اني ادرسچ شعندچ گولي
طيبة.. لا عوفها علية عادي
صالح.. انتِ تعبانة گاعدة من الصبح روحي ارتاحي اني اقريها ما عندي شي ومتعود على السهر لتفكرين بية
- ابتسمت بـ وجهة
مو حقي من اعزه واستثني عن بقية أهلي
يعني من دون الكل يحس بية لمن اتعب أو اضوج الله يخلي الي والأمة ويرزقه ببت الحلال الـ تنسي طيبة
جابت رحمة كتابها وگعدت يمه
صار يدرسها وفكري كله وياهم عبالك يدرسني الي مو الها محسيت شگد مر وقت فجأة فزيت من صفنتي
موبايلي يدگ معقولة هذا همام ؟!!
گمت بسرعة چان يم التلفزيون باوعت أي والله هوَ
لو تموت ما اجوبك رفضته بـ عصبية اشوف كرامتك لو كرامتي سيد همام ظل اتصل
YOU ARE READING
أبي لم يكن إنسانًا
General Fictionالأثار التي على جسدي هيَّ من أوصلتني إلى ما أنا عليهِ الآن أنا تلكَ الطفلة التي كبرت قبلَ أن تكبر أنا تلكَ الطفلة التي أصبحت امًا لِـ طفلين وهيَّ في السابعة من العمرِ فقط أنا من قالَ عنهُ الله في محكمِ كتابهِ العزيز ( فأما اليتيم فلا تقهر )....
