#أبي_لم_يكن_إنساناً
البارت الواحد والعشرون
للكاتبة لبنى الموسوي
لسـان حـال طيبـة...... 💔💔
مـا بيـة حيـل أرفـع جفـن
ذبـلان جسمـي من الحـزن
والدمـع من گـد ما نـزل مـا خلـة لـون برمشـي
محتـارة بـ أحلامـي البقـن
شـو مـا رضـن يتـحقـقـن
مثـل اليشوف أبنـة البچـر كبران بـس ما يمشـي
مـا عنـدي كل شـي بيا بخـت يردوني ارضى بكل شي
أن داهمتنـي حسرتـي يا ربـي مـا اقسـاها
ابـدوا ضعيفـاً عـندهـا طـفـلاً اذا اخشـاها
طـالـت عليـة نـهايتـي أحـتـاج أن القـاها
لـو كـان عمـري باسمـاً لا ما رجـوت لقـاها.....
همام.. فتحت الباب رجال چبير بالعمر داير ظهرة
نعم تفضلوا
باوعلي چان انصدم بـ أبـو طيبـة وهـل يخفى الأجـرام الأصيل عن ساحة العدالة
- السلام عليكم
- وعليكم السلام ورحمة الله وبركاته
- همام مو
- اي نعم اني همام بس منو حضرتك ؟!!
- وياك رزاق أبو طيبة زوجة أخوك أرشد
والبقية بحياتك
اعذرني ما اجيت للفاتحة بس البارحة بالليل يلا عرفت بخبر وفاته الله يرحمه
- البقاء لله
مشكور متقصر أعتبر واجبك واصل ورحم الله والديك
- تسمحلي اتفضل لو راح تعوفني واگف بالباب
- لا شلون البيت بيتك
بس لحظة خل اخذلك طريق واهلاً وسهلاً بيك
- على راحتك حبيبي
رديت الباب مبتسم
هيچ ريحة الفلوس خلتك تجي ركض أي ليش لا
خلينا نلعب شوية من زمان منتظر جيتك
دخلت سويت الة طريق ورجعت لگيتة يباوع للحديقة ويتفحص زوايا الممر هزيت راسي بضحكة
شوية وگحيت فز من صفنتة
- اعتذر فززتك
- لا عادي بس البيت غريب شوية هل صفنت علي
شعجب هالگد چبير وانتم عائلة صغيرة !!!
اني هـم مشايفة مـن قبل لأن أرشـد الله يرحمـة مچان يقبل أحد يعرف هالبيت كلها تروحلة لبيت الـ ×××××
- لعد شلون عرفت بـ هالمكان اذا هو ممدليك علي ؟!!
- لا مرة جابني لهنا من زوجتة بنتي بس ما دخلت جوة
- تمام استاذ رزاق
اذا خلصت جولتك الأستطلاعية يا ريت تتفضل وياية
- هاي شنو منك يا أستطلاع هذا
- استكشاف ولا يهمك
- يلا انتَ هم بگد أبني مراح ارد عليك... يااااا الله
حچاها ودخل سديت الباب ومشيت قبلة
من كل عقلة جاي طمعان
ميدري من اليوم طيبة صارت بحمايتي ليگدر يحصلها ولا يحصل فلس من ورثها
طيبة هي العمل الوحيد الراح يشفع الأرشد بالأخرة
واذا أريد اريح أخوية بگبرة
لازم احافظ على امانتـة واحميها من رزاق و وحشيتـة عسى ولعل هالشي يكون غفران الجزء بسيط من الذنوب الصارت برگبتة من أذية العالم وظلمهم
YOU ARE READING
أبي لم يكن إنسانًا
General Fictionالأثار التي على جسدي هيَّ من أوصلتني إلى ما أنا عليهِ الآن أنا تلكَ الطفلة التي كبرت قبلَ أن تكبر أنا تلكَ الطفلة التي أصبحت امًا لِـ طفلين وهيَّ في السابعة من العمرِ فقط أنا من قالَ عنهُ الله في محكمِ كتابهِ العزيز ( فأما اليتيم فلا تقهر )....
