💫 Unicode version 💫
Holiday ရတဲ့ရက်လေး ထုံးစံအတိုင်း ခရီးတိုလေးထွက်ခဲ့ကြသည်။ နှင်းတွေတဖွဲဖွဲကြကာ မြူတွေဆိုင်နေသဖြင့်ကားကို ဂရုတစိုက်မောင်းနေတုန်း....
" မောင်....ချမ်းတယ်...အရမ်းချမ်းတယ်.."
ကိုကို့ဆီမှ ညည်းသံလေးကြားသဖြင့် ဘေးကိုလှည့်ကြည့်လိုက်တော့ မျက်နှာလေးမှာ နီရဲကာ နှုတ်ခမ်းလေးတွေတဆတ်ဆတ်တုန်နေတာမို့ heater များမတင်မိဘူးထင်မိကာ heater ကိုကြည့်လိုက်တော့ 23°C ကိုကိုနဖူးလေးလှမ်းစမ်းလိုက်တယ်ဆို
" ဟင်....ကိုကို ကိုယ်တွေအရမ်းပူနေပါလား "
ရင်ထဲ စိုးရိမ်စိတ်ကြီးစိုးသွားတာနဲ့ကားကို လမ်းဘေး ထိုးရပ်လိုက်ကာ
" ကိုကို...ကိုကို ကျတော်ခေါ်တာကြားလား "
မျက်လုံးလေး ဖွင့်လာကာ ခေါင်းလေးငြိမ့်ပြပြီး ရင်ခွင်ထဲတိုးလာလေသည်။ မိမိလဲ ချမ်းတယ်ပြောတာကြောင့် ဖက်ထားပေးလိုက်သည်။
မိမိကားရုတ်တရတ်ရပ်လိုက်လို့ထင်ပါရဲ့ ဇေယျာတို့ ခွန်းမာန် တို့ဆင်းလာကာ မှန်တံခါးခေါက်သဖြင့် မှန်ချပေးလိုက်တယ်ဆို ခွန်းမှ
" အောင်မလေး.... ခရီးတောင်တဝက်ပဲရှိသေးတယ် တစ်တီတူး နေလိုက်ကြတာ "
" ခွန်း..မင်းထင်သလို လျောက်ပြောမနေနဲ့ ကိုကို အဖျားတွေတက်နေလို့ကွ တောက်"
စိတ်တိုသွားကာ ပိတ်အော်လိုက်ပြီး တောက်ပါခေါက်လိုက်တော့ ကိုဟန်ငြိမ်းမှ
" ဟာ...sry sry ကိုယ်တောင်ပန်တယ်ပါ ရှင်းသန့် ညီ..မင်း...တိတ်တိတ်လေးနေစမ်း "
ခွန်းအားဆူလိုက်ပြီး
" ဘယ်လိုလုပ်မလဲ ခုကအစောကြီးပဲရှိသေးတယ် အရမ်းတွေကိုယ်ပူနေလား "
" omm အရမ်းပူနေတယ် ပြီးတော့ ချမ်းတယ်ပဲပြောနေတယ်... "
" နေအုံး.... ဆေး....ဆေးသေတ္တာ ပါလာတာပဲ အဲ့ထဲမှာ အပူကျဆေးလေးဘာလေးရှိမှာပဲ "
ပြောလဲပြော အာကာမှာ သူ့ကားဆီပြန်ပြေးသွားလေသည်။ ဆေးရလာတယ်ဆို ရေနွေးဗူးလေးပါတစ်ခါထဲ ယူလာလေသည်။