💫 Unicode version 💫
ရှင်းသန့် နှိုးတယ်ဆို ဘေးဘီဝဲယာကြည့်လိုက်တော့ ကုတင်ဘေးမှာ အိပ်ပျော်နေတဲ့ ခွန်းကိုတွေ့တာနဲ့
" ခွန်း...ခွန်း... ထတော့ "
ခွန်းမှာ အိမ်မက်ထဲကိုနဲ့သာယာနေတုန်း လာနှိူးသဖြင့်
" ဟင်...အင်း..ဘယ်သူလဲ ဘာလို့လာနှိုးတာလဲ "
ဆိုကာ အိမ်မှုံစုံမွှားနဲ့ မျက်လုံးဖွင့်ကြည့်လိုက်တော့ ရှင်းသန့်မှာ ငုတ်တုတ်ထိုင်နေတာနဲ့
" ဟင်...ရှင်း...ရှင်းသန့်..မင်း...မင်းသတိရလာပြီ မင်း..ဘာမှမဖြစ်ဘူးနော် "
ဆိုကာ ပုခုံးနှစ်ဖက်ကိုင်ကာ ဆွဲလှုပ်နေသဖြင့် ရှင်းသန့်လဲ...
" အေး...ဘာမှမဖြစ်ဘူး ဒါပေမယ့် မင်းလုပ်တာနဲ့သေတော့မယ် ဖယ်စမ်း "
ဆိုပြီးဆောင့်တွန်းလိုက်ကာ ရေချိုးခန်းထဲဝင်သွားလေသည်။
ခွန်းလဲ ခုမှစိတ်ချသွားပြီး ဟန်ငြိမ်းကို message ပို့လိုက်လေသည်။
ရှင်းသန့် ရေမိုးချိုးပြီး မနက်စာစားတဲ့အထိ စကားမပြောသေးတာနဲ့ ခွန်းကအရင်စပြီး
" ရှင်းသန့်...မင်း...ခုဘယ်သွားမှာလဲ "
" ဘယ်သွားရမှာလဲ company ပေါ့ ကြောင်တောင်တောင် နဲ့ "
ဆိုကာ အစားသာဆက်စားနေပြီး ဖုန်းလာတာနဲ့ ထသွားလေသည်။ ခွန်းလဲ အစားသာဆက်စားနေပြီး ရှင်းသန့်ကို ကိုခန့်ကိစ္စခုပြောရင်ကောင်းမလား မကောင်းမလားစဥ်းစာနေတုန်း
" မင်း...အိမ်ပြန်မှာမလား ငါနဲ့လိုက်ခဲ့လေ "
" ဟင်... ဟင့်အင်း ငါbarကိုသွားလိုက်အုံးမယ် အာကာတစ်ယောက်ထဲမို့ "
" အာ့ဆို ငါသွားပြီ အော် ညကျမှတွေ့မယ် "
" အေးအေး...ဖြည်းဖြည်းမောင်းအုံး "
ခေါင်းသာပြန်ငြိမ့်ပြပြီး ထွက်သွားတဲ့ ရှင်းသန့်ကျောကုန်းလေးငေးကြည့်ကာ သက်ပျင်းသာချလိုက်လေသည်။
တအောင့်နေတော့ ခွန်းလဲ ကြီးကြီးတို့ကို နှုတ်ဆက်ကာ ပြန်ခဲ့သည်။