FOLLOW ME[Complete]

6.Mistake

❦︎Unicode version❦︎

FOLLOW ME-6
.
.
.
.
.
ဘုတ်!

"အာ့!..."

ခေါင်းလုံးလုံးလေးကိုကြက်တောင်နဲ့လာမိတ်ဆပ်တာမို့ရိပေါ်မှာအာ့ခနဲ။အရှိန်ဘယ်လောက်ပြင်းလဲတော့မပြောတတ်ချက်ချင်းမျက်ခမ်းဆက်မှာမျက်ရည်စတွေဝေ့သီးလာသည်အထိနာကျင်သွားရတာတော့အမှန်။

ဒီနေ့သင်တန်းပိတ်ရက်မို့ဲခြံထဲကဒန်းလေးမှာရိပေါ်ပန်းချီထိုင်ဆွဲနေမိခြင်း။ဝမ်ချွန်းနဲ့ဝမ်ရှန့်ကရိပေါ်ရှေ့ကမြက်ခင်းပြင်မှာကြက်တောင်ရိုက်နေကြခြင်း။ရိပေါ်ခေါင်းကိုအရှိန်ပြင်းစွာကြက်တောင်လာထိမှန်သည့်ဖြစ်စဥ်မှာဝမ်ချွန်းနဲ့ဝမ်ရှန့်တမင်တကာလုပ်မှန်းရိပေါ်သိသည်။

"ဟဲ့!...ယောက်ျားလေးဖြစ်ပြီးအဲ့လောက်လေးနဲ့ငိုစရာလား...ဘာကြောင်ကြည့်နေတာလဲ...အဲ့ကကြက်တောင်ကောက်လာပေးချည်..."

နေရာကမရွေ့ပဲအမိန့်လ​ှမ်းပေးလာသည့်မငယ်ကြောင့်ရိပေါ်ခေါင်းလုံးလေးကိုပွတ်သပ်လို့ငိုမဲ့မဲ့ဖြစ်နေရာမှပန်းချီဆွဲစာအုပ်လေးဒန်းပေါ်တင်ကာမြက်ခင်းပေါ်ကကြက်တောင်လေးကောက်ပြီးသွားပေးလိုက်တယ်။

ရိပေါ်ကိုအနာတရပေးရလို့ဝမ်ချွန်းနဲ့ဝမ်ရှန့်ကတော့ကျေနပ်နေဟန်တစ်ယောက်မျက်နှာတစ်ယောက်ကြည့်လို့ပြုံးစိစိ။

"ဟဲ့!...ရိပေါ်!..."

"ဗျာ..."

ရိပေါ်ဒန်းမှာထိုင်ပြီးပန်းချီပြန်ဆွဲဖို့ပြင်ရုန်ရှိသေးစူးစူးဝါးဝါးမကြီးခေါ်သံကြောင့်ခန္ဓာသေးသေးလေးကမတ်ခနဲ။

"အဲ့မှာပန်းချီဆက်ဆွဲချင်လည်းဆွဲ...မဟုတ်လို့ငါတို့ကြက်တောင်နဲ့ရိုက်မိမှ ဒယ်ဒီ့ကိုသွားတိုင်ကြည့်...ငါတို့အကြောင်းနင်ကောင်းကောင်းသိတယ်ဟုတ် ရိပေါ်!..."

ခြိမ်းခြောက်သလိုသူ့ကိုထိုနေရာမှာမရှိစေချင်ဟန်ပြတာမို့ရိပေါ်ခေါင်းလေးငြိမ့်ပြပြီးပန်းချီစာအုပ်နဲ့ခဲတံဗူးလေးသိမ်းကာအိမ်ဘက်ပြန်လျှောက်သွားလိုက်တယ်။

မကြီးနဲ့မငယ်သူ့ကိုအနိုင်ကျင့်တာခုမှမဟုတ်။ပြောရရင်ရိပေါ်အလယ်တန်းနှစ် ပါးပါးမကြီးတို့အမေနဲ့လက်ထပ်လိုက်ကတည်းက။