فترجل الإثنان من السيارة، وأتضح على معالم وجههم القلق والخوف ،ألقوا التحية ،وسألوا "حازم" مستفسرين:
_هو أي اللي حصل يا حازم بالضبط؟؟
زفر بهدوء:
_ أنا لحد دلوقتي مش فاهم حاجه زيكم، اتفضلوا خشوا ونفهم
دخل الكل إلى المنزل ،وكان الجميع مجتمع على سفرة فنهض" مازن "مرحبا بأصدقائه ،فجلسوا بجانبه مستفسرين:
_مازن طمنا عليك هو أي اللي حصل؟!
ابتسم" مازن" بألم:
_جت سليمه الحمدلله متقلقوش عليا.
أضاف" أحمد "مستفسرا:
_طب تعرف مين اللي عمل كده؟!
أجاب بالنفي:
_لسه مش عارف.
رد" آدم" بجدية:
_ طب الخساير كانت كبيرة يا ابني؟!
ابتسم" مازن":
_ متقلقش ياعمي بسيطة.
فأضاف" فارس "بحزم:
_أنت مش لازم تسكت ابدا يا مازن خد موقف وأنا وراك علطول.
ابتسم" مازن" بألم:
_أحيانا يا فارس منقدرش ناخد موقف.
تركت" رهف" مقعدها ،وذهبت له ورفعت ذراعها الصغير له كي ينزل لمستوى طولها،فانحنى لها، وقبلته في وجنته بحب:
_ متزعلش يا عمو دي ناس وحشه ،وربنا هيعاقبهم.
ضحك" مازن "بخفة ،ورفعها إليه وأجلسها على فخذه مقبلا جبينها بقوة:
_يالله بقا الأميرة رهف هي اللي بتراضيني لا أنا خلاص مبقتش زعلان.
فابتسم الكل بينما عقد "علي "ذراعيه على صدره بغضب وحنق:
_المفروض متسكتش يا عمو واللهي.
نظر "مازن" لحازم الذي كان شارد في طبقه، لترد" سهى":
_عموما اللي عمل العملة دي عايز ينتقم منك ،فأنت أكيد كان ليك عداوة مع حد من العملاء مثلا.
رفع "حازم "وجهه إليه ليقول بتلقائية:
_ اللي عمل كده عايز يوصل حاجه معينه ليك.
ضحك" مازن" بسخرية وطالعه باستهزاء:
_وأنا مش عبيط يا حازم، أنا فهمت الحاجه دي.
هتفت " دارين " متعجبة:
_طب وأي الحاجه دي يا مازن.
لوى ثغره بسخرية:
_حاجه كده عملتها زمان بس من الواضح أن صاحبها مش قادر ينسى.
نظرت "مريم" بينهما باستغراب ؛لتفهم ولكن قاطع الحديث صوت "خلود":
_مش تعرفينا يا مريم بالضيفة الجديدة.
عقدت "مريم" حاجبيها باستغراب في البداية وبعدها تذكرت ونظرت لليلى لتبتسم:
_ دي ليلى فؤاد سكرتارية سيلا هانم.
ابتسم" فارس"،ونظر لليلى:
_ اهلا وسهلا طبعا لازم تشرفينا في حفلة عيد ميلاد بنتي ملك.
ابتسمت بخبث:
_ على حد علمي أن ده عيد ميلاد ابن حازم بيه ،وأنا متوجهلي دعوه منه هو شخصيا.
أكملت جملتها ونظرت لمريم التي كانت تطعم "سيف" غير مكترثة، فرد" فارس" بترحاب:
_واعتبري أن في دعوة متوجه مني ليكي.
YOU ARE READING
السكون الذي يسبق العاصفة( نصفي الأخر ) الجزء الثالث والأخير
ChickLitهي فتاة تربت على يدي أكبر زعيم مافيا في إيطاليا، أعدم والدها شنقا، غزى لها الكره طليق توأمها حتى تقتل أختها التوأم التي لا تعرفها، استخدمت طليق توأمها لقتل عائلتها التي ترعرعت بعيد عنها إلى أن وقعت في أسيرة في حب ابن عمها الذي أنجدها من خطاياها
