Oops! This image does not follow our content guidelines. To continue publishing, please remove it or upload a different image.
Alfred Tale Crosagne
* * * * *
MA R K
Malalim akong napabuntong-hininga habang tinititigan ang ang kabuuan ko sa harap ng vanity mirror. Tanging tapis lamang na puti ang suot ko. Katatapos ko pa lamang maligo dahilan para pumatak ang iilang tubig mula sa buhok ko. Napahawak ako sa suot kong kwintas at mariin na ipinikit ang aking mata. Hindi ko kasi maiwasang kabahan dahil ngayon na ang gabi na gaganapin ang engagement party nina tito Romeo at tita Emma.
Paniguradong karamihan sa dadalo ay mga taong may matataas na posisyon sa buhay. Bukod pa doon ay siguradong dadalo lahat ng Crosagne sa okasyon. Hindi ko lang maiwasangg isipin na mataas ang tyansa na pupunta rin si Tale. Hindi naging maganda ang huli naming pagkikita. Hindi ko alam ang gagawin ko kapag nagkita kaming dalawa doon.
Iwinaksi ko na lamang ang posibilidad na ‘yon. Bahala na! Kung magtagpo man ang landas naming dalawa ay bahala na. Kung hindi naman ay mas mabuti.
Sinuot ko ang bathrobe na nakalatag sa ibabaw ng kama ko bago tumungo sa kwarto ni Jackal. Naroroon pa kasi ang isusuot kong suit sa kwarto niya. Kararating pa lang kasi ng mga ito kahapon at hindi agad nadala sa kwarto ko.
Kahit nagdadalawang-isip ay kumatok ako ng tatlong ulit sa pinto ng kwarto ni Jackal.
“Jack?” Pagtawag ko sa pangalan nito.
“Mark, is that you?” Nadinig kong sigaw niya mula sa loob.
Bahagya akong umatras mula sa pinto nang bumukas ito. Para akong binuhusan ng malamig na tubig nang niluwa nitong pinto ang isang lalaking tanging tapis lamang ang suot dahilan para lumantad mismo sa harapan ko ang nagsusumigaw niyang katawan. Ang matikas niyang dibdib at ang abdomen niya na tila inukit ng pinakamagaling na mang-uukit. Estudyante lang ba talaga ‘to?
“Hey? Are you okay?” Ilang ulit akong napakurap ng mata nang magsalita siya. Napaiwas ako ng tingin ng mapansin ang pagngisi niya.
“Oh! I just finished taking a shower.” Isinandig niya ang siko niya sa pintuan dahilan para tumangis ang may kalakihan niyang braso. Bahagya ring sumilip ang may kalaguan niyang buhok sa kilikili. Pumameywang naman ang kabila niyang kamay.
Umayos ako ng tayo at diretso siyang tiningnan sa mata. Baka kasi isipin ng lalaking ‘to na masyado akong naaapektuhan sa pabakat – Huh? Anong pinagsasabi mo, Mark? Ayusin mo nga ‘yang sarili mo. Pumunta ka dito para sa susuotin mong suit hindi para pagnasaan siya. Baka nakakalimutan mong may atraso pa siya sayo.
“Ahmm…” Inalis ko ang bikig na nakabara sa lalamunan ko. Pilit na ikinakalma ang sarili. “Kukunin ko sana ‘yong suit na susuotin ko.” Mabilis kong sabi para maalerto siya at muling pumasok sa kwarto niya.
Sandali lamang akong naghintay.
“Here.” Inilahad niya sa akin ang isang kulay asul na suit na nakasabit sa isang hanger at nababalot pa ng malaking plastic.
