The Playboy's Toy (Dangerous Man Series)

TPT - 19

M A R K

Sinusubukan kong kalmahin ang sarili ko ngayong kaharap ko ang lalaking muntikan nang gumahasa sa akin noon. Kailangang hindi malaman ni tita Emma ang trahedyang yun sa akin noon. Ayoko siyang magalala sa akin lalong mukhang magkakilala sila ni tita at ng lalaking ito. Sa anong paraan?

Naririto kami sa loob ng isang coffee shop sa loob nitong mall. Gusto ko na sanang maglaho na parang bula nang makita ko si tita Emma sa ganung sitwasyon. Hanggang ngayon kasi ay hindi pa rin malinaw sa akin kung ano ang koneksyon na meron si tita sa lalaking ito.

Naiwan kaming dalawa ng lalaking ito dito sa mesa. Tahimik. Walang ni isa sa aming nagsasalita hanggang sa dumating si tita Emma na may dalang tray ng cappuccino.

"Mukhang ang seryoso niyo naman atang dalawa?" pambungad ni tita at isa-isang nilapag ang mga tasa sa aming harapan. Umupo si tita sa tabi ko samantalang kaharap naman namin ang lalaking nagpapainit ng dugo ko. Saglit akong napasulyap sa kanya dahilan oara maikuyom ko ng mariin ang aking kamay sa ilalim nitong mesa.

"Mark." nabaling ang atensyon ko kay tita nang tawagin niya ako. "Hindi mo pa sinasagot ang tanong ko kanina, bakit mo sinampal itong si Jackal? May kasalanan ba siya sayo?" kung alam lang ni tita ang ugali ng lalaking 'to ay siya rin mismo ay maiinis. Matagal ako bago nakasagot. Pinipilit ang sarili na makaisip ng magandang dahilan.

"Ahmm... Tita?" napataas ang aking kilay sa pagtawag ng atensyon nito kay tita. Napa-tsk na lang ako sa isip ko sa pagtawag niya ng 'tita' kay tita Emma. Anong karapatan niya?

"Jackal. Ilang beses ko bang sasabihin sayo na mama na lang ang itawag mo sa akin." napanganga ako sa sunod na sinabi ni tita sa lalaki. Hindi ako makapaniwala na yun ang susunod na mangyayari. Hindi ko man lang naihanda ang sarili ko. T-teka? Mama? Ano bang relasyon ni tita sa Jackal na 'to?

"Pasensya na po." napakamot sa ulo ang Jackal dahil sa sinabi ni tita. Hindi ko na napigilan ang aking kuryosidad sa mga nangyayari. Mukhang wala akong kaide-ideya sa lahat.

"Tita?" pagtawag ko. Maingat niyang binaba ang tasa ng cappuccino sa ibabaw ng mesa bago ako lingunin. Wala naman sigurong mali kapag nagtanong ako, diba?

"Bakit po kailangang mama ang itawag niya sayo?" napansin ko ang pagguhit ng isang ngisi sa labi ni Jackal samantalang kay tita naman ay bakas sa mukha ang pagtataka.

Wala ako sa sarili nang makauwi sa bahay ni Tale. Hanggang ngayon kasi ay hindi pa rin ako makapaniwala na ang Jackal na yun ay anak ng lalaking ka-date ni tita. Argh! Gusto kong sabunutan ang sarili ko na hindi ko sinabi kay tita ang ginawa sa akin noon ng kumag na yun. Akala mo kung sinong anghel kanina habang magkakaharap kami. Tapos tita pa ang tawag kay tita Emma. Aba't, ito namang si tita gusto pa siyang tawagin na mama. Nakakapang-init lang ng ulo. Sa oras na malaman din 'to ni Otep ay paniguradong parehas lang kami ng marararamdaman.

"Parang namumula ka ata?" bungad sa akin ni Tale nang tuluyan akong makapasok sa loob ng kanyang bahay. Saglit akong natulala sa pawis niyang katawan bago makasagot sa kanya.

"Ah! W-wala. Mainit kasi sa labas." kusa niyang kinuha sa akin ang mga dala-dala kong plastic tsaka dumiretso sa kusina.

Tahimik lang akong sumunod sa kanya habang matiim na pinagmamasdan ang malapad niyang likod. Balak ba ako akitin ng lalaking 'to at kailangan nakahubad lang siya sa harap ko? Hindi ko lubos maisip na mapagmamasdan ko ang malabato niyang katawan ngayon. Kahit papa'no ay humupa ang init ng ulo ko kanina sa nakikita ko ngayon.