រអៀសខ្លួន ពិបាកចិត្ត មិនយល់អារម្មណ៍ខ្លួនឯង ច្របូកច្របល់ ឈឺចាប់ បេះដូងលោតញាប់ដោយគ្មានមូលហេតុ វាកេីតឡេីងព្រមគ្នាក្នុងពេលតែមួយក្នុងខណៈពេលដែល Jungkook កំពុងតែសម្លឹងមេីលទៅ Taehyung ដែលគេងលង់លក់នៅលេីទ្រូងរបស់ខ្លួនយ៉ាងស្ងប់ស្ងាត់ ។ គេម្នាក់នេះជាអ្នកណា? ប្រវត្តិរបស់គេបែបណាក៏នាយមិនដឹងច្បាស់ តែត្រឹមជួបមុខស្គាល់បានបីបួនថ្ងៃសោះហេតុអីក៏គេមានឥទ្ធិពលជះមកលេីអារម្មណ៍របស់នាយខ្លាំងម្ល៉េះ? តេីគេមានចំណុចពិសេសអ្វីទៅ..? ឫមកពីមុខមាត់រូបរាងដ៏ស្រស់បវររបស់គេ? ឫមួយអត្តចរិតដែលគេមាន..? ចូលចិត្តធ្វើឫកក្លាហាន និយាយសម្តីសម្តៅមិនសូវជាពិរោះប៉ុន្មាន ទឹកមុខដូចត្រូវគេចាប់ចងយកទៅបាញ់រាល់លេីក តែបេីសិនជាញញឹមវិញគឺស្អាតឥតខ្ចោះ ស្រស់ស្អាតរហូតដល់ធ្វើអោយបេះដូងរបស់នាយវង្វេងវង្វាន់ម្តងៗ ។ Jungkook ឆ្ងល់ខ្លួនឯងដែលបែងចែកមិនដាច់ មាត់ថានៅស្រលាញ់សង្សាររបស់ខ្លួនណាស់មិនចង់អោយនាងទៅនរណា តែក្នុងចិត្តក៏មិនអាចអោយរាងតូចម្នាក់នេះទៅអ្នកណាផ្សេងដូចគ្នា សំណួរសួរថាហេតុអីក៏វាប្រែទៅជាអញ្ចឹងទៅវិញ? ហេតុអីក៏នាយចេះមានអារម្មណ៍ប្រច័ណ្ឌហួងហែងចំពោះ Taehyung ទាំងដែលនាយស្គាល់គេមិនទាន់បានប៉ុន្មានផង..? ឫមួយក៏នាយបែបនេះដោយសារតែគេនឹងមានងារជាប្រពន្ធរបស់ខ្លួនឆាប់ៗនេះ..?
នាយមិនយល់ពិតមែន អារម្មណ៍និងចិត្តគំនិតកំពុងតែធ្លាក់ទៅជ្រៅនៅក្នុងភាពច្របូកច្របល់បែងចែកមិនដាច់ស្រេច ប៉ុន្តែមកដល់ពេលនេះហេីយនាយក៏ច្បាស់នៅរឿងមួយ គឺនាយមិនអាចយកទាំងពីរតាមតែចិត្តនោះទេ នាយសួរនាំគេឯងដល់ទៅបីនាក់ទៅហេីយវាល្មមនឹងធ្វេីអោយនាយភ្ញាក់ខ្លួនថាទង្វើនេះមិនសមហេតុផលពិតមែន ប៉ុន្តែបេីសួរថាពេលនេះនាយចង់ជ្រើសយកអ្នកណាគឺនាយមិនដឹង យកមួយស្តាយមួយតែបេីយកទាំងពីរក៏មិនបាន ។
YOU ARE READING
OBSESSION ~ ឈ្លក់វង្វេង
RomanceKhmer's fanfics #Taekook ⬆️Top Jk ⬇️Btm Tae « ព្រោះខ្ញុំនឹងធ្វើអោយលោកស្រលាញ់ឈ្លក់វង្វេងនឹងខ្ញុំទ្វេដង ស្រលាញ់បែបអារម្មណ៍ស្រលាញ់ដែលលោកមិនធ្លាប់មានឫប្រគល់ជូនអ្នកណាពីមុនមក » Kim Taehyung ស្រដីទាំងទឹកមុខញញឹមស្រស់សម្លឹ...