@ ថ្ងៃអាពាហ៍ពិពាហ៍
« Tae ភ្ញាក់ឡើង » រាងក្រាស់ដាស់អូនតូចដែលកំពុងតែគេងលង់លក់នៅក្បែរខ្លួនអោយក្រោកឡេីងព្រោះវាជិតដល់វេលាដែលត្រូវរៀបចំខ្លួនត្រៀមសម្រាប់ថ្ងៃដ៏វិសេស
វិសាលមួយនេះ ។ Jungkook សម្លឹងមេីលទៅមុខរាងតូចដែលកំពុងតែសម្ងំគេង ដាស់មិនព្រមក្រោកទាល់តែសោះ នាយញញឹមឡេីងបន្តិចហេីយក៏យកដៃទៅឈ្លីសក់របស់គេលេងមុននឹងដេីរចូលទៅបន្ទប់ទឹកមុនបាត់ ។
អ្នកទាំងពីរកំពុងតែនៅក្នុង apartment របស់លោកអគ្គនាយក ដោយសារតែពិធីមង្គលការរបស់ពួកគេនឹងត្រូវប្រារព្ធឡេីងនៅក្នុងសាលដ៏ធំមួយស្ថិតនៅក្នុងសណ្ឋាគារលំដាប់ផ្កាយប្រាំមួយនេះ ទេីបអ្នកទាំងពីរសម្រេចចិត្តមកគេងទីនេះតែម្តងដេីម្បីងាយស្រួលមិនចាំបាច់ធ្វើដំណើរពីផ្ទះមកព្រោះកំពុងនៅអគារតែមួយស្រាប់ ។ Taehyung ឯណោះវិញកាលដែលបានឃើញរាងក្រាស់ដេីរចូលបន្ទប់ទឹកបាត់បែបនេះ គេក៏ស្ទុះក្រោកយ៉ាងលឿន ដកដង្ហើមញាប់ៗទ្រូងភឺតភ៊តៗព្រោះអម្បាញ់មិញនេះគឺគេគ្រាន់តែធ្វើពុតគេងតែប៉ុណ្ណោះ តាំងពីព្រលប់ទល់ព្រលឹម Tae មិនបានគេងសូម្បីតែបន្តិច អារម្មណ៍នៅហោះហៅដល់ពិធីមង្គលការ មិនដឹងជាយ៉ាងម៉េចតែពេលជិតដល់ថ្ងៃដល់ពេលត្រូវចូលរោងហេីយគេបែរជាភ័យធ្វេីមេីលតែគេនាំទៅសម្លាប់ មួយយប់ហេីយគឺគេងមិនលក់ទាល់តែសោះ ខំសម្ងំក៏នៅតែមិនលក់ គេងបែរខ្នងដាក់អ្នកកម្លោះព្រោះមិនចង់អោយនាយដឹងថាខ្លួនមិនបានគេង ។
Jungkook ឯណោះវិញ ពេញមួយយប់ហេីយដែលមិនបានគេងដូចគ្នា នាយគេងបែរខ្នងនៅបញ្ឈរភ្នែកគិតរហូត ថ្ងៃនេះគឺជាថ្ងៃដែលនាយត្រូវចូលរោងការហេីយ អារម្មណ៍រំភើបបែរជាមិនសូវមានសោះ វាគួរតែជាថ្ងៃដែលនាយរីករាយបំផុតតែអ្នកកម្លោះបែរត្រឹមជាមានអារម្មណ៍ធម្មតា ថែមទាំងនៅលួចនឹកនាដល់នាងតូចដែលជាអតីតមិត្តស្រីនោះទៀត... ។
YOU ARE READING
OBSESSION ~ ឈ្លក់វង្វេង
RomanceKhmer's fanfics #Taekook ⬆️Top Jk ⬇️Btm Tae « ព្រោះខ្ញុំនឹងធ្វើអោយលោកស្រលាញ់ឈ្លក់វង្វេងនឹងខ្ញុំទ្វេដង ស្រលាញ់បែបអារម្មណ៍ស្រលាញ់ដែលលោកមិនធ្លាប់មានឫប្រគល់ជូនអ្នកណាពីមុនមក » Kim Taehyung ស្រដីទាំងទឹកមុខញញឹមស្រស់សម្លឹ...
