إقتباس،، تهيسة آخر الليل.... 😘
#جوازة_بدل2
بفناء مزرعة الفيوم.بليله صيفيه
على مفرش أرضى،
كان عمار، يجلس بمنتصف أبنائه الست، يحطاطون به،
أمامهم شاشة تلفاز كبيره، يشاهدون، أحد أفلام الكارتون.
تبسمت سهر التى آتت،تحمل أصغر أطفالها، قائله:
لسه كتير على ما الفيلم ده يخلص، خلاص قربنا على نص الليل، مش ناويين تناموا.
تبسم عمار قائلاً: مش كنتى نايمه، أيه اللى صحاكى، دلوقتي.
نظرت سهر لذالك الصغير، الذى بمجرد أن إقتربت من مكان جلوس عمار، حاول التملُص من يدها، يود الذهاب الى عمار، قائله: صحيح معرفتش أربى، الواد ساعة ما شافك رمى نفسه عليك، ولا كأنه هو السبب إنى أصح من النوم، تصدق بالله العيال دول خساره فيهم، تربيتى وتعبى، شايف العيال ملفوفين حواليك إزاى، لأ وهاديين مش بيشاغبوا زى ما بيعملوا فيا، طول ما أنا قاعده، بسلك فيهم، كل واحد فيهم دماغ متخلفه أكتر من التانى، إنما دلوقتي قاعدين، براءة الأطفال فى عيونهم، بالذات البيه مهدى الكبير، اللى طول النهار على فرع الشجره، مش لاقى غيرى ينشن عليها، والله فى علامات على جسمى، بسببه، بس ماشى.
غمز ععما قائلاً بتوريه: فين العلامات دى مشوفتهاش ليه،لازم أشوفها بعينى .
تبسمت سهر.
بينما تحدث أحد أطفال سهر قائلاً: ماما أنا جعان، تحدث آخر قائلاً هو الآخر نفس الشئ.
نظرت لهم سهر ثم نظرت لعمار قائله: أهو شوفت، يشوفوا وشى تشتغل الطلبات، ماشى هروح أجيب لكم شوية سندوتشات وأرجع.
تبسم عمار، سهر لم تفتقد روح الطفوله بداخلها، هى تشاغب أطفالها، طوال الوقت، لكن بلحظه تصبح أماً، تتلهف عليهم، وتفعل لهم ما يريدون.
بعد دقائق عادت سهر تحمل صنيه، عليها بعض السندوتشات، قائله:
جيبتلكم سندوتشات خفيفه، تاكلوها، وبعدها تطلعوا على اوضكم، تناموا كفايه سهر لحد كده،
قالت سهر هذا ونظرت لذالك الصغير الذى يجلس على ساق عمار قائله: وإنت متخافش عملت حسابك وجيبتلك ببرونه إتنين لتر لبن، مش عارفه إنت طالع مفجوع كده، ليه، مفكر إنك آخر العنقود وهدلعك، لأ بلاش تفكر بكده، عارف هخلف التامن بسببك علشان متبقاش آخر العنقود.
....
بعد قليل، بغرفة عمار وسهر
تبسم عمار الذى خرج من الحمام المرفق بالغرفه، وهو يرى سهر، تضع ذالك الصغير بمهده الصغير بالغرفه، إقترب يحتضن سهر هامساً:
يعنى لو مش إبنك ده هو اللى صحاكى، كنتى هتفضلى ناميه من غيرى.
إستدارت سهر ولفت يديها حول عُنق عمار قائله: عمار إحنا ليه فضلنا هنا بعد خطوبة مروه، ليه مرجعناش للمنصوره.
وضع عمار، يديه حول خصر سهر قائلاً:
ده كان طلب عيالك، قالوا إنهم فى أجازه، وإنهم بينبسطوا هنا أكتر من المنصوره، وبصراحه كده أنا كمان بحب المزرعه دى قوى.
لمعت عين سهر، بعشق قائله: أنا كمان بحب المزرعه دى، فاكره أول مره قولت لى بحبك كانت هنا، كنت وقتها متلخبطه، مش عارفه أصدقك، ولا أكذبك، كل أفعالك معايا وقتها كانت كلها تملّك، كنت خايفه إنجرف وأحبك، كمان مكنتش أعرف إنك طلقت خديجه قبل ما تكتب كتابك عليا، كان جوايا أسئله كتير، خايفة أسألك عليها، أتصدم فى ردك، بس الليله هسألك سؤال ياعمار، وعاوزه أعرف ردك.
قبل عمار سهر، ثم ترك شفاها قائلاً:
أيه هو سؤالك.
تبسمت سهر قائله: لسه بتحبنى بنفس الطريقه، يا عمار،ولا.....
تبسم عمار وقام بضم جسد سهر له بقوه هامساً جوار أذنها: لسه بعشقك، يا سهرى، عشقك بقى زى مجرى دمى فى عروقى،
إنتى الوحيده اللى نبض قلبى علشانها.
تبسمت سهر قائله: وإحنا فى حفلة خطوبه منى، البت المايصه اللى كانت طول الوقت قريبه منك دى مين.
رد عمار: مين دى أنا عينى طول الحفله مشافتش غيرك، سهر، فى حضورك وفى غيابك عينى مش بتشوف غيرك.
تبسمت سهر، قائله: مش عارفه ليه قلبى مش مرتاح للبت دى، لا هى ولا أخوها.
تبسم عمار قائلاً: أعتبر دى غيره، سهرى بتغير عليا.
تبسمت سهر قائله: عمار إحذر إنت ملكى وبس.
تبسم عمار وإنحنى يحمل سهر وتوجه بها الى الفراش قائلاً:
وإنتى، يا سهرى عشقى مستحيل، عينى تشوف غيرك، وبعدين مين اللى مجنونه، وتفكر تاخد مكان فى قلبى، كانت هتطفش فوراً لما تعرف إن عندي سبع ولاد وإحتمال يكون التامن فى السكه، ويا سلام لو تكون بنوته حلوه كده شبه مامتها أهى تدلعنى، وأدلعها.
تبسمت سهر قائله: تدلعك، ليه وأنا فين يا عمارى.
قالت سهر هذا وقبلت عمار، الذى شارك سهر شغف القُبلات، يعيش معها شغف عشق يزداد مع الوقت، لكن، سهر لا تعلم لم لديها شعور سئ أن هناك شئ، سيحدث، قد يُنغص سعادتها مع عمار السنوات الماضية.
💎💎💎💎💎
شجعونى بقى فى روايه،
عشق بين نيران الزهار
أخلصها بسرعه ونرجع للأخوه دول
والله
روايه
عشق بين نيران الزهار أحلى بكتير من روايه جوازه بدل، وفيها كل التسليه
اكشن ورومانسى ودلع وكله
اللينك اهو
https://www.wattpad.com/story/266113805?utm_source=android&utm_medium=link&utm_content=story_info&wp_page=story_details_button&wp_uname=user21457441&wp_originator=9UJLWbKsw4Rx4I2OWqqg6ho9s67R3XVPixdwTNs912gFBQwwG0uz0WbfpSUf%2FNOtzCQfi3goiyzNnLRuF7EtpE0DeCIhdh5gAf2yfiQpl7u%2BpeS%2BuCttSTU64FTAAiWF
واللى عاملى متابعه هيلاقيها ما بين رواياتى
YOU ARE READING
جوازة بدل
Romanceحين تُجبر فتاه، على تحمُل عواقب خطأ، غيرها فعله، وهو يبحث عن سعادته، ومن أجل سعادته، لا يهمه، أذا دفعت إبنة عمه، ثمن خطأه، لتقع بيد شخصيه حاده جداً، وليس مطلوب منها سوى التحمل أو ربما تضع هى نهايه أخرى ل. جوازة بدل
