My Son Or Boyfriend (Complete)

My son or boyfriend 30

Uni

သူ ဒီကလေးလေးကို အရာရာထက် ပိုချစ်သည်။ ဒါကြောင့်လဲ သူ မဖြစ်ဖြစ်တဲ့နည်းနဲ့ ကလေးကို သူ့အနားပဲ ခေါ်ထားမှာ...

လွန်းထက်သာအကြောင်းကို ဦးစိုးလွင် ကို ကိုယ်တိုင်ပြောကာ တားခိုင်းထားပင်မဲ့ ဒီကောင်က နောက်ဆုတ်မဲ့ပုံမပေါ်ခဲ့။ ဒါကြောင့် သူကိုယ်တိုင်ကပဲ ဝင်စီမံရတော့တာပေါ့....

ကုတင်ပေါ်တွင် ဖျော့တော့စွာအိပ်နေသော ကလေးငယ်။ သူ့ကို ကလေးချစ်လား... ဒါမှမဟုတ် သူ့လုပ်ရပ်ကြောင့် မုန်းပဲ မုန်းနေလေပြီလား။ ဘာပဲဖြစ်ဖြစ် ပါ...ကလေးသာ သူ့အနားရှိရင် ကျန်တာတွေ မလိုအပ်ဘူး။

ငယ်စဥ်ထဲက မိခင်ကို ဓာတ်ပုံထဲတွင်သာ တွေ့ဖူးခဲ့သည်။ ဖခင်ဆိုသူကလဲ သူ့အပေါ်မေတ္တာတွေ အလုံအလောက်မပေးခဲ့။ အမြဲတမ်းဆူပူကာ အော်ဟစ်နေတတ်သေးသည်။

၅နှစ်သား....၅နှစ်သားဆိုတဲ့ကလေးတစ်ယောက်ဟာ အများသူအမြင်မှာ ငယ်ရွယ်သော်လဲ ဇေရဲမာန် မှာတော့ ထိုချိန်ထဲက ဖခင်ကိုယ်တိုင် သူ့အား ဓားကိုင်စေကာ လက်ယဥ်အောင် လေ့ကျင့်ပေးနေလေပြီ။

သူဒါတွေကို မလုပ်ချင်ခဲ့။ အခြားကလေးတွေလို စိတ်လက်ပေါ့ပါးကာ နေချင်သော်လဲ ဖခင်ဖြစ်သူ ဦးမာန်မိုးဟိန်း ကို လွန်စွာမှကြောက်ခဲ့ရသည်။

ဒါကြောင့်လဲ သူ၆နှစ်သားအရွယ်လောက်က အိမ်ကနေ ထွက်ပြေးဖူးသည်။ အဲ့မှာ လွန်းထက်သာ ၏ ဖခင်နဲ့တွေ့ခြင်းဖြစ်သည်။ လောကကြီးက ကြာကြာသူ့ကို လွတ်လပ်ခွင့် မပေးခဲ့ဘူး။ အဖေပြန်ခေါ်လို့ အိမ်သို့ပြန်လာခဲ့သည်။

အဲ့နောက်ပိုင်း ရွဲ့ချင်စိတ်ကြောင့် ဖခင်သင်ပေးသမျှကို အကုန်နာခံခဲ့သည်။ သူ့အတွေးထဲမှာ သူသာ အဖေ့ထက် အင်အားကြီးရင် အဖေ့လောင်းရိပ်အောက်က သူထွက်သွားနိုင်မည်ဆိုတာပင်။

ကလေးအိပ်နေတုန်းမို့ ရေချိုး အဝတ်စားလဲကာ ရှယ်ယာရှင် အစည်းအဝေးပွဲသို့ သွားရပေသည်။ အိမ်မှာ လုံခြုံရေး တင်းကြပ်ထားတာသော်လဲ ကလေးကိုစိတ်မချနိုင်....
နောက်ဆုံးတော့ အစည်းအဝေးလုပ်နေရင်းပဲ အိမ်မှာတပ်ထားတဲ့CCTVကနေတစ်ဆင့် ကလေးကို စောင့်ကြည့်နေလိုက်သည်။