My Son Or Boyfriend (Complete)

My son or boyfriend 34

Uni

👩‍💻အမည်မဖော်လိုသူ အလောင်းတစ်လောင်းကို ****ဆိပ်ကမ်းတွင် တွေ့ရှိရပါသည်။ ထိုအလောင်းတွင် ဝမ်းဗိုက်နှင့် လက်ဖမိုးပေါ်မှာ သေနတ်ဒဏ်ရာလို့ ယူဆရတဲ့ ဒဏ်ရာ နှစ်ခုကို တွေ့ရသည်။ တာဝန်ကျအရာရှိတွေကတော့ ဒီအလောင်းဟာ ဘယ်သူဘယ်ဝါလဲ ဆိုတာ အတည်ပြုပြောကြားခြင်း မရှိသေးပါဘူး။

ဆက်လက်ရရှိမည့်သတင်းများကိုလဲ အချိန်နှင့် တစ်ပြေးညီ ဆက်လက်တင်ပြပါမယ်။ ကျေးဇူးတင်ပါတယ် ရှင်👩‍💻

ပြန့်နှံ့နေသော သတင်းကြောင့် ထူးစစ်သော် စိတ်ရှုပ်လှသည်။

မှုခင်းဆရာဝန်ပေးသော စာရွက်အား ကြည့်ရင်း ထူးစစ်သော်တစ်ယောက် တစ်ခုသော နေရာဆီသို့~~~~~

"ဘာကိစ္စရှိလို့ပါလဲ" အပေါ်ထပ်လှေကားမှ ဇေရဲမာန် တစ်လှမ်းချင်းဆင်းလာကာ ဧည့်ခန်းထဲက ထူးစစ်သော်ကို မေးလိုက်ခြင်းဖြစ်သည်။

"ဒီကစာရွက်ကို အရင်ဖတ်စေချင်ပါတယ်"

ဇေရဲမာန် လဲ ထိပ်ဆုံးက Sofaခုံမှာ ထိုင်လိုက်ကာ စာရွက်ကို ထုတ်ကြည့်လိုက်သည်။ ထိလုမတတ် တွန့်ချိုးသွားသော မျက်ခုံးအစုံနှင့် ထွက်လာသော စကားမှာလဲ
"အဖေ့အလောင်းကို ကျွန်တော်ကိုယ်တိုင် သင်္ဂြိုလ်ပါရစေ"

"ဒါကတော့ ကျွန်တော်တို့ စစ်ဆေးတာတွေ အားလုံးပြီးရင် ပြန်အပ်ပါ့မယ်။ ပြီးတော့ ဒီအမှုကို လူသတ်မှုလို့ ဆွဲချက်တင်ရလိမ့်မယ်။ ဦးမာန်မိုးဟိန်း ကို တရားဥပဒေက အလိုရှိသူဖြစ်ပင်မဲ့ ခုကတော့ လူသတ်မှုလို့ ခေါင်းစဥ်တပ်ပါရစေ"

"ရဲမှူးပြောချင်တာက ကျွန်တော်က အမှုမဖွင့်ရင်လဲ ကိုယ်တိုင်အမှုဖွင့်မယ်ဆိုပါတော့"
"ဒီလိုလုပ်တာက ကာရကံရှင်ရဲ့ ခွင့်ပြုချက်တော့ လိုတာပေါ့"

ဖခင်တစ်ယောက်ဆုံးတာကို အေးအေးလူလူနေနေနိုင်သော သူတစ်ယောက်ကိုကြည့်ရင်း ထူးစစ်သော် ပိုပြီးသင်္ကါမကင်းဖြစ်မိသည်။ ဒါကို အကင်းပါးလှသော ဇေရဲမာန် မှာတော့...

"ကျွန်တော်နဲ့အဖေနဲ့က အဆက်အသွယ် မလုပ်ဖြစ်ဖူး။ ပြီးတော့ အိမ်တွင်းရေးကလဲ ရဲမှူးတို့ထင်သလို မိသားစုအချင်းချင်း မခင်တွယ်ဘူး။ ဒါပင်မဲ့ အဖေ့ရဲ့ နောက်ဆုံးခရီးကိုတော့ ဘာသောကမှမရှိဘဲ အေးအေးလူလူ ပို့ချင်တယ်"