(unicode)
ပျားထိပြီး နှစ်ရက်မြောက်နေ့ရှိပြီးဖြစ်၏။ သို့
သော် နေမကောင်းသေးဟူသော အကြောင်းဖြင့် အိမ်၌သာနေရသည်။ ရောင်အန်းမှုများကျသွားသော်လည်း နာကျင်မှုအနည်းငယ်ရှိနေသေးသည်။
" သော်လင်း ထမင်းစားကြမယ်၊ ဆင်းနိုင်ရဲ့လား၊ မဆင်းနိုင်ရင် ငါအပေါ်ယူခဲ့ပေးမယ်လေ "
" ရတယ်၊ သိပ်မနာတော့ဘူး ယဥ်ယဥ် "
" သေချာရဲ့လား၊ ငါ့ထမင်းယူခဲ့ပေးလည်း ရတယ်နော် "
" တကယ့်ပါဆို၊ ရွာလည်လို့တောင်ရနေပြီး "
" သိပြီး သိပြီး၊ ရွာတော့ မလည်ပါနဲ့အုန်း။ အောက်ပဲ ဆင်းလာ၊ ထမင်းစားကြမယ် "
စကားကိုဖြတ်ပြောပြီး ယဥ်ယဥ်တစ်ယောက် အောက်ထပ်ကို ပြန်ဆင်းသွား၏။ ထူကူပေးရ
မလားဟုတောင် မမေးတော့။ သော်လင်း လှေ ကား ၁၅ ဆင့်ကို အသာအေးဆေးဆင်းလာခဲ့ လိုက်၏။ မေကြီးနှင့် ထမင်းပွဲကူပြင်နေသည့်
ယဥ်ယဥ်ကြောင့် ထမင်းဝိုင်းလေးမှာ ထိုင်နေလိုက်သည်။
" မေကြီး "
" ထိုင်နေ သား "
" ဟုတ်ကဲ့ "
" ရော့... နင်အတွက် "
ထမင်းပန်းကန်ကိုကြည်လိုက်လျှင် ထမင်းဖြူမဟုတ်။ နို့နံ့သင်းနေသော ဆန်ပြုတ်ပင်။ ဇွန်းဖြင့် အသာခပ်စားကြည်လိုက်လျှင် အရသာကောင်းလိုက်လေခြင်း။ ထို့ကြောင့် တစ်ဇွန်းပြီး နောက် ထပ်တစ်ဇွန်းထပ်သောက်ဖြစ်သည်။
" ဖြည်းဖြည်းသောက် သား၊ ပူတယ် "
" ဟုတ်ကဲ့၊ သားကြိုက်တယ် "
" နင်မကြိုက်တာ ဘာရှိလို့လဲ "
ယဥ်ယဥ်အပြောကြောင့် ပြုံးပြလိုက်မိသည်။ အ ပြောကြမ်းသော်လည်း စေတနာပါသောစကားမှန်းသိနေ၏။
" အိုးထဲရှိသေးတယ်။ ထပ်ယူ သား "
" ဟုတ် မေကြီး "
" ဗျို့... အရီးခင်မေ "
" အေး... ဘယ်သူတုန်း၊ ဝင်လာလေ "
" အရီးခင်မေ "
" မြဒင်ပါလား၊ လက်မှလည်းချိုင့်နဲ့ ဘယ်သွားမို့တုန်း "
YOU ARE READING
ချစ်မြဲ ချစ်ဆဲ
Romanceယခု ( ချစ်မြဲ ချစ်ဆဲ ) ဇာတ်လမ်းတွင် ပါဝင်သော ဇာတ်လမ်း ဇာတ်ကောင်များသည် ကိုယ်တိုင်ဖန်တီးထားသော အရေးအသား အကြောင်းရာများသာ ဖြစ်သည်။ တိုက်ဆိုင်မှုရှိသော် သတိပေးနိုင်သည်။ စတင်သည့်နေ့ =(21.8.2021-4.5.2022) ယခု ( ခ်စ္ၿမဲ ခ်စ္ဆဲ ) ဇာတ္လမ္းတြင္ ပါဝင္ေသာ ဇာ...
