(unicode)
ဇန်ငြိမ်းချမ်းကို စိတ်ချမ်းသာနေသော်လည်း စိတ်လည်း ညစ်နေမိသည်။ လူထင်ကျော်သည် အချိန် ရှိသ၍ အနားလိုက်ကပ်နေပေသည်။ ကောင်မ လေးဖြင့်အပြင်ထွက်ချိန်းသည်ကို ခုရက်ပိုင်းမတွေ့ရ။
အဓိကတော့ ယောကျာ်းလေးတစ်ယောက်ဖြစ်တဲ့ ကျွန်တော်အနားပိုကပ်နေ၍ အနည်းငယ်စိုးရိမ်မိ၏။ ဒီကောင်လိုင်းပြောင်းဖို့ ကျွန်တော်အားစမ်းသပ်ခံအဖြစ်သတ်မှတ်နေသည်ဟုလည်း တွေးမိနေ၏။
" ဇန်ရေ...ဇန်၊ ငါရောက်ပြီး "
သူအားမခေါ်ထားသော်လည်း နေ့တိုင်းရောက် လာတတ်၏။ ရောက်တိုင်းလည်း အသံကျယ်တို့ဖြင့် အော်လိုက်ရမှာ ကျေနပ်လေသည်။
အမေဖြစ်သူကလည်း သူ၏ဝမ်းမနာသားလူထင်အတွက် ထမင်း၊ ဟင်းများပိုချက်ထားသည်မှာ နေ့စဥ်မပြတ်ပေ။
လူထင် မနက်နိုး၊ မျက်လုံးနှစ်လုံးပွင့်သည်နှင့် ပထမဆုံးသတိရမိသည်က "ဇန်" ။ ထို့ကြောင့် မျက်နှာသစ်ပြီးပြီးချင်း ဇန်တို့အိမ်ဘက်ဆီ
ကူးလာခဲ့ဖြစ်သည်။
" ဇန် "
" ငါထမင်းစားခန်းထဲမှာ "
ထမင်းစားခန်းဘက်ကွေ့ဝင်လိုက်သည်နှင့် ကော် ဖီရနံ့သင်းသင်းက နှာခေါင်းထဲသို့ ဦးစွာပြေးဝင်နှုတ်ဆက်လာပေ၏။ အနားဝင်ထိုင်ပြီး ဇန်သောက်လက်စအား ယူသောက်လိုက်လျှင်
" လူထင် ! "
" ဘာလဲ "
" အဲဒါ ငါ့ခွက်လေ၊ မင်းသောက်ချင်ရင် အသစ်ဖျော်သောက် "
" ဘာလဲ ! မင်းကရွံတာလား။ မရဘူး ရော့...မင်းလည်း သောက် "
" မဟုတ်တာကွာ၊ ငါဘာသာထပ် ဖျော်လိုက်ပါမယ် "
အသံကျယ်ဖြင့်ပြောလာသောလူထင်အား ပြောရာပြေကြောင်းပြန်ပြောသော်လည်း လူထင်၏ မျက်နှာသည်ပို၍ တင်းမာလာပေသည်။ သောက်လက်စခွက်ကို ရွံဟန်ဖြင့် ပြန်ယူမသောက်သော ဇန်ကြောင့် အနည်းငယ်စိတ်ခုရသည်။ ငယ်ငယ်တည်းက အတူစားခဲ့နေကျကို ခုမှအဖြစ်သည်းနေလေ၍
" သောက်လိုက် "
" မင်းကြိုက်ရင် မင်းသောက်လိုက်တော့လေ။ ငါအသစ်ဖျော်သောက်လိုက်မယ် "
YOU ARE READING
ချစ်မြဲ ချစ်ဆဲ
Romanceယခု ( ချစ်မြဲ ချစ်ဆဲ ) ဇာတ်လမ်းတွင် ပါဝင်သော ဇာတ်လမ်း ဇာတ်ကောင်များသည် ကိုယ်တိုင်ဖန်တီးထားသော အရေးအသား အကြောင်းရာများသာ ဖြစ်သည်။ တိုက်ဆိုင်မှုရှိသော် သတိပေးနိုင်သည်။ စတင်သည့်နေ့ =(21.8.2021-4.5.2022) ယခု ( ခ်စ္ၿမဲ ခ်စ္ဆဲ ) ဇာတ္လမ္းတြင္ ပါဝင္ေသာ ဇာ...
