(unicode)
" မနားနေဘဲ ဘာလို့လမ်းများနေတာလဲ ပေါက်စ "
" စိတ်ပူလို့လား "
" မပူပါဘူး။ ကိုယ်တစ်ယောက်လုံးအနားမှာ ရှိနေတာပဲလေ "
" လူကြီး "
" ပြောလေ "
" ရည်းစားဘယ်နှစ်ယောက်ထားခဲ့ဖူးလဲ "
".........."
အမေးစကားအားချက်ချင်း ပြန်မဖြေလာ၍ လူကြီးမျက်နှာထံကြည်လိုက်လျှင် ပြုံးစိစိလုပ်နေလေသည်။ အဖြေစကားပြန်မထွက်လာဘဲ တိတ်နေသောလူကြီးကြောင့် သော်လင်းစိတ်မကောင်းဖြစ်မိသည်။ လူကြီးသည် ရိုးရှင်းသောအမေးကိုပင် မဖြေ။ ထို့ကြောင့် လူကြီး၏"ချစ်တယ်"ဟူသောစကားကိုပင် သံသယဝင်ချင်လာမိ၏။
ယဥ်ယဥ်ထွေးမှာ မေကြီးနှင့်အိမ်အလုပ်များဝိုင်းကူနေချိန်တိုင်း သူငယ်ချင်းစွယ်သော်လင်းမှာထုံးစံမပြတ်ရွာလည် ထွက်သွားချေပြီး။ နေမကောင်းပျောက်သည်နှင့် အငြိမ်မနေတော့။
မေကြီးကလည်း ဝိုင်းတားပေးမည်မရှိဘဲ
အားပေးလိုက်သေး။ ဘာတဲ့... လှုပ်ရှားမှုရှိမှ ကျန်းမာရေးကောင်းမှာတဲ့။ ဟိုကလည်း ဝိုင်းပြောပေးသူရှိ၍ ခုန်ပေါက်ပျော်ရွှင်စွာ သွားလေတော့သည်။
" အိမ်ရှင်တို့... အိမ်ရှင်တို့ "
" ဘယ်သူဆီ အလည်လာသူတွေလည်းမသိကွယ်၊ လမ်းလာမေးတာ ထင်တယ် "
မေကြီးတစ်ယောက်ပြောပြောဆိုဆိုနှင့် အိမ်ရှေ့ဘက်ထသွား၏။
" အိမ်ရှင်တို့ "
" လာပြီးကွယ်...ဘယ်သူလဲဟေ့ "
" စွယ်သော်လင်းရှိလား၊ ကျွန်မစွယ်သော်လင်းရဲ့အမေပါ "
" ဝင်လာခဲ့ ဝင်ခဲ့၊ သော်လင်းကတော့ အိမ်မှမရှိသေးဘူးကွဲ့၊ ရွာလည်ထွက်သွားတယ်၊ ယဥ်ယဥ် "
" ရှင့်...မေကြီး "
" ဖျာလေးယူခင်းပါအုန်း "
" ဟုတ်ကဲ့ မေကြီး "
ရွာလမ်းတွင် လက်ချောင်းချင်းယှက်တွဲလျက်စွယ်သော်လင်းနှင့် ဒေါင်းမာန်တို့နှစ်ဦးသည် အေးအေးလူးလူး လမ်းလျှောက်နေကြ၏။ ရွာ သူ၊ ရွာသားတို့သည် မနက်မှစ ညနေပိုင်းထိတိုင် အောင် တောင်ယာ၊ လယ်ထဲ၌သာ ရှိနေတတ်ကြသည်။ ထို့ကြောင့် နေခင်းဘက်ဆိုလျှင် ရွာထဲလူသူများများစားစားမကျန်နေ၍ အများအမြင်ကို အထူးရှောင်နေစရာမလ်ို။
YOU ARE READING
ချစ်မြဲ ချစ်ဆဲ
Romanceယခု ( ချစ်မြဲ ချစ်ဆဲ ) ဇာတ်လမ်းတွင် ပါဝင်သော ဇာတ်လမ်း ဇာတ်ကောင်များသည် ကိုယ်တိုင်ဖန်တီးထားသော အရေးအသား အကြောင်းရာများသာ ဖြစ်သည်။ တိုက်ဆိုင်မှုရှိသော် သတိပေးနိုင်သည်။ စတင်သည့်နေ့ =(21.8.2021-4.5.2022) ယခု ( ခ်စ္ၿမဲ ခ်စ္ဆဲ ) ဇာတ္လမ္းတြင္ ပါဝင္ေသာ ဇာ...
