ငါ မင်းရဲ့ကောင်လေးကို အချိန်အကြာကြီး ကြိုက်လာတာ [ဘာသာပြန်]

Chp(4)

[Unicode]

ဖိန့်ရန် အခန်းပြန်ရောက်တာနဲ့ အရင်ဆုံး လုပ်တဲ့အရာကတော့ ရေချိုးပစ်လိုက်တာပဲဖြစ်တယ်။

စားသောက်ဆိုင်က ပေါ့ပေါ့ပါးပါး အပြင်အဆင်မျိုး ရှိပေမဲ့ စားသောက်ဆိုင်ထဲက အရသာတွေကတော့ ပေါ့ပါးမနေပေ။ အခုချိန်မှာ သူ့ဆံပင်တွေကနေ အာလူးရှာလကာရည်ရဲ့ ချဉ်စူးစူးအနံ့ကိုပဲ ရနေခဲ့တယ်။

ရေချိုးလို့လည်းပြီးရော သူ ကုတင်ဘေးမှာ ရပ်ကာ လက်တစ်ဖက်နဲ့ သူ့ဆံပင်တွေကို သုတ်နေပြီး ဖုန်းကောက်ကိုင်ကာ စူးနျန်ရဲ့ wallထဲ ထပ်မံဝင်ကြည့်လိုက်တယ်။

သူ နဲ့ စူးနျန်က စစတွေ့ဆုံတည်းက Wechatမှာ အချင်းချင်း အပ်ထားကြပေမဲ့ တစ်ခါမှတော့ စကားမပြောဖူးကြပေ။

သူ friend list နေရာကို ကျော်ပြီး အောက်ကို ဆက်ဆွဲကြည့်လိုက်တယ်။

[ ဒီဆိုင်ရဲ့ငရုတ်ကောင်းက လုံးဝ perfectပဲ {ဓာတ်ပုံ} ]

လော့ချင်ရှန်းက အစပ်ပြင်းတဲ့ စားသောက်ဆိုင်တစ်ဆိုင်ကို ရှာတွေ့ထားကြောင်း သူ့ကို ‌ဒီနေ့ ပြောပြခဲ့တယ်။ ပြီးတော့ သူက ဖိန့်ရန်က အစပ်မကြိုက်တာ စိတ်မကောင်းစရာပဲလို့ ပြောသေးတယ်, မဟုတ်ရင် ဖိန့်ရန်ကို အရသာမြည်းစမ်းဖို့ ခေါ်သွားပေးနိုင်မှာတဲ့လေ။

[ ဒီနေ့ အားကစား (၁၁) {ဓာတ်ပုံ} ]

ဓာတ်ပုံက ဘတ်စကတ်ဘောကွင်းမှာပဲ။ ဖိန့်ရန်က လော့ချင်ရှန်းရဲ့ ဂျာစီကို ဓာတ်ပုံထဲမှာ မြင်လိုက်တယ်။

[ စာကြည့်တိုက်သို့ ခရီးတစ်‌ခေါက် ]

.......

လွန်ခဲ့တဲ့နှစ်လက စူးနျန်ရဲ့wallက postအများစုက လော့ချင်ရှန်းနဲ့ ဆက်စပ်နေတယ်။

ဖိန့်ရန် ခပ်ပေါ့ပေါ့ မျက်မှောင်ကြုပ်ပြီး လျင်လျင်မြန်မြန် ပြန်ပြေသွားတယ်။

ဖိန့်ရန်တစ်ယောက် သူ စူးနျန် wallထဲ ရုတ်တရက် လာကြည့်မိတာလည်းဆိုတာ သူ မသိပေ။ တကယ်တော့ သူ ဒီပုံတွေကို သာမန်ကာလျှံကာ ကြည့်ဖူးတယ် , ဒါပေမဲ့ အရင်တုန်းက သူ လုံးဝဂရုမစိုက်ခဲ့ပေ။ ပြီးတော့ ဓာတ်ပုံတွေကို ဝင်တောင်မကြည့်ပေ။