Episode-31
အသားကင်ဆိုင်တစ်ခုမှာ ဘယ်တုန်းကမှ မျက်နှာကြောမတည့်ခဲ့သည့် ချန်းယောလ်နှင့် ဂန်ထယ်ဟိုက တစ်ဝိုင်းတည်းရှိနေသည်။ အကြောင်းမူကား ဘတ်ဟျွန်းနှင့် ဟန်ဘီကြောင့်။နှစ်ယောက်သားထိုင်ကတည်းကလည်း မျက်စောင်းတပြင်ပြင်နှင့်မို့ ဘတ်ဟျွန်းတို့ကရယ်ရသေးသည်။
“အဲ့ဒီတော့ ပတ်ဘတ်ဟျွန်း ပြန်ရောက်လာတာ ဝမ်းသာပါတယ်။မဟုတ်ရင် ပတ်ချန်းယောလ်က ငါ့ရဲ့ဟန်ဘီကို ပြန်လုမှာစိုးရသေးတယ်။”
‘အပိုတွေ ပြောမနေနဲ့ဟေ့ကောင်။ငါ ကဘတ်ဟျွန်းနီးမှ ဘတ်ဟျွန်းနီးပဲ။”
‘အေးပါ သိပါတယ်။မျက်လုံးထဲမှာတောင် ပတ်ဘတ်ဟျွန်းလို့ရေးထားတာတွေ အတိုင်းမသိမြင်နေရ.’
ဂန်ထယ်ဟိုက အမြင်ကတ်ကတ်ဖြင့်ပြောတာဖြစ်ပေမယ့် ချန်းယောလ်က သူများတွေတောင်သိတယ်ဆိုသည့်ဒီဇိုင်းဖြင့် ဘတ်ဟျွန်းကို မေးဆတ်ပြလာသေးသည်။
“ဒါဆို မမဟန်ဘီနဲ့ အကိုထယ်ဟိုက လက်ထပ်ဖြစ်ကြတာပေါ့နော်။”
‘ဟုတ်တယ် ဘတ်ဟျွန်းရယ်။ မမ မေမေက အစက သဘောမတူပေမယ့် မမကိုယ်တိုင်က သဘောကျနေတော့ ဘာမှမတတ်နိုင်တော့ဘူးလေ။သူကလည်း သူ့အဖေဘက်က မယားပါသားသမီးကိစ္စတွေကို သေချာရှင်းပြီး တရားဝင်ဆက်ခံသူဖြစ်လာတော့ အားလုံးအဆင်ပြေသွားခဲ့တယ်။’
ဟန်ဘီက ရှက်ပြုံးလေးနှင့်ဆိုတော့ ဘတ်ဟျွန်း ပြုံးမိသည်။ဘယ်သူမဆို ချစ်ရသည့်သူနှင့်နီးစပ်ရလျှင် ပျော်ရွှင်မိကြတာချည်း။ ဂန်ထယ်ဟိုကို ကြည့်ရသည်မှာလည်း ဟန်ဘီကို အရိပ်တကြည့်ကြည့်ဖြင့် အတော်လေးချစ်ပုံပေါ်၏။
“မင်းမသိလို့ ပတ်ဘတ်ဟျွန်း။ဒီကောင်က ငါတို့မင်္ဂလာပွဲမှာ မျက်နှာသေကြီးနဲ့လာတာ မသိရင် တကယ်ပဲ သူက ဟန်ဘီနဲ့ ကြိုက်ခဲ့ဖူးသလိုလိုနဲ့လေ။ ရည်းစားဟောင်းမင်္ဂလာပွဲပဲတက်ရသလိုလို။”
‘အေးလေ. ငါက ဘတ်ဟျွန်းကိုသတိရသွားတာပေါ့။ငါ့နေရာမှာ မင်းဆိုရင်လည်းစဉ်းစားကြည့်.’
ချန်းယောလ်ကစကားပြောနေရင်း အကြည့်က အပြင်ဘက်မတော်တဆရောက်မိတော့ ထယ်ဂီကိုတွေ့လိုက်ရသည်။ချန်းယောလ် မျက်လုံးတွေစူးရဲသွားရရင်း ထိုင်ရာမှ ထ၏။
YOU ARE READING
လက်ထပ်လက်စွပ်ကလေး
Fanfiction#Both available with unicode & zawgyi မယုံနိုင်လောက်အောင်ပဲ ဒီလက်စွပ်ကလေးက~~~