My Phenomenal Bodyguard

CHAPTER 7

Zaitel's POV

"Hija kumain kana." aya sa akin ni Yaya Minda nang pagpasok ko sa dinning area.

"Nakauwi na po ba si daddy pasado alas otso na, ah."

"Tumawag siya kanina di raw siya makakauwi at mag-o-overtime raw siya sa office niya ngayon. Kaya kumain kana." sabi ni Yaya Minda.

"Sige po."

Kailangan ko na talagang bumalik sa pagtatrabaho. Kawawa naman si daddy. Bakit ba niya kasi ako binigyan ng 2 months break. Akalain mo yon 2 months? Break lang yan.

...........9:07pm........

"Manang Teni." agaw pansin ko kay Manang Teni nang makita ko siya.

"Oh bakit hija, may kailangan kaba? Gusto mo nang snacks?" tanong ni Manang.

"Hindi, wala ho. Itatanong ko lang sana kung nasaan si Acerdel kanina ko pa kasi napapansin na wala siya."

"Nagpaalam siya kanina na aalis mura raw siya."

"Na naman?" taka kong tanong.

"Oo. May iba ka pa bang kailangan hija?" tanong ni Manang Teni.

"Wala na po Manang. Maari na po kayong matulog."

"Sige hija. Matulog ka na rin." nakangiting sabi ni Manang kaya nginitian ko na lang din siya.

Reividan Suarez POV

"Ano kayang problema ngayon ni Acer?." kalabit sa akin ni Rrender.

"Ewan. Siya kaya ang tanungin mo." inis kong sabi rito.

"Parang uubosin na niya lahat ng alak ngayong gabi" napatingin naman ako kay Acer na iniisang lagok ang alak sa kaniyang baso tapos magsasalin na naman kapag naubos na ang alam. Mukhang may problema nga siguro siya ngayon.

"Pre may problema ka ba? Dahan-dahan lang sa pag-inom mamaya niyan naubos mo na lahat ng alakrito." tatawa-tawang biro ko.

"Oo nga pre." sang-ayon naman ni Rrender.

Iniangat niya ang kaniyang ulo sa amin. Saka tinignan kami ng masama. Nataranta naman kami sa paraan ng pagtitig niya.

"Sige okay lang pre kahit ubosin mo lahat ng alak. Uminom ka hanggat sa gusto mo libre na yan para sayo total bar naman 'to ni Reividan." pangisi-ngising sabi ni Rrender.

Loko talaga 'tong mokong na'to.

"Suntok gusto mo?" sabay pakita ko sakaniya ng isang kamao ko. Ngumisi na naman siya.

"Trip mo talaga kagwapohan ko no." nakangisi niya pa ring sabi.

"Bakla naman." asar ko pero mas lalo lang lumapad yong pagkakangisi niya.

"So inaamin mong mas gwapo talaga ako kesa sa inyo. Bahala nang sinabihan mo akong bakla, di naman yon totoo ang importante na tanggap mong mas gwapo ako sa inyo."nakangising sabi niya habang inilagay ang dalawang braso niya na kaniyang dibdib.

Baliw! Makainom na nga rin.

"Sana nandito rin sina Fergal at Kerr. Para narinig rin nila yong sinabi mo na tanggap mo nang gwapo talaga ako haha." hambog niyang sabi.

Tukoy niya sa dalawa naming kasamahan na sina Fergal Ferrer at Kerr Ferrer magkapatid silang dalawa. Mas matanda nga lang ng isang taon si Fergal kaysa kay Kerr.

Di namin sila kasama sa ngayon may mahalagang pinapagawa pa kasi sa kanila si Acerdel habang kami, ito chill-chill lang hehe. Syempre may task rin kami.