My Phenomenal Bodyguard

CHAPTER 28

"ACERDEL........" Malakas kong sigaw mula rito sa likod ng bahay.

"Bakit?" Medyo pasigaw niya ring sigaw. Pasulpot itong lumabas sa pintoan na nagkokonekta sa loob at sa labas ng bahay. Topless itong humarap sa akin at may daladala rin siyang isang bowl na may kung anong laman na pagkain.

May iilang pawis pa ito sa nuo at katawan. Siya kasi ang naglinis sa loob ng bahay.

Muling dumapo ang mata ko sa matitipuno at pawisan nitong katawan. Nangingintab at nagmukhang mas kaakit-akit ang tanawing iyon. Malinaw kong nakikita at napagmamasdan ang anim niyang tinapay na nakadikit sa tiyanan nito. Nate-temp tuloy akong hawakan ang mga 'yon. Nakakapaglaway bagang.

Geezz ano ba 'tong nga naiisip ko.

Pasimple kong ipinilig ang ulo ko at iniiwas ang paningin sa magandang tanawing iyon. At nagkonwaring hindi ako naaapektohan.

Pinilit kong maging normal at maingat na bumuntong hininga bago nagsalita na parang bata.

"Pagod na ako." Nakanguso kong makaawa rito.

"Talaga lang huh?" Nakangisi nitong paninigurado.

"Oo"

"Nakakadalawang damit ka pa nga." Sabi nito habang may natatawang tingin na ipinukol sa akin. Napatingin naman ako sa tinitignan niya. Ang hirap kayang maglaba, nakakapagod, masakit sa pwet at balakang, at mahapdi rin sa kamay.

Now, I had realized something. Ganito rin siguro ang nararamdaman nila Yaya Minda at Manang Teni kapag naglalaba sila. Kahit naman kasi na may madami kaming washing machine ay may iilan din daw kasing mga damit na hindi kailangan ipaikot lang basta basta sa washing machine. May edad na rin sila, e ako nga na mas batabata pa sa kanila nararamdaman ko na nga kaagad ang pagkabagot at pagkapagod.

"Ayoko nang maglaba. Isusumbong talaga kita kay daddy." Pananakot ko rito pero hindi man lang siya natinag. Nakangisi itong lumapit sa kinaroroonan ko at naupo sa harapan ko.

"Sige lang. Magsumbong ka." Sabi niya na may paghahamong tono.

Sinusubokan niya ba ako? Bwesit! Tang*na! Bakit ba ako nagpapatalo sa kaniya. Bahay kaya namin 'to.

"Bakit mo ba 'to ginagawa sa akin?" I asked tiredly.

Pagod na talaga ako maglaba. Kanina pa ako rito simula nong matapos kaming mag-agahan. Akala ko pa naman nagbibiro lang siya. Diba siya 'yong umaakyat ng ligaw sa akin bakit ako itong gumagawa ng gawaing bahay?

He shrugged sexily. Putik o!

"Sino ka ba sa tingin mo, huh?" May pagkairita kong tanong rito habang iniiwasan na ibaba ang tingin at atensyon pababa sa kaniyang nakahubad na katawan.

"Your bodyguard......" Sagot nito "as well as your suitor." Dagdag nitong sagot at pilyong ngumiti.

"That's the point your just my bodyguard pero kung umasta ka parang ikaw pa 'yong amo sa atin. Suitor?" Sarkastiko akong tumawa. "Ikaw lang ang kilala kong aakyat ng ligaw na imbes ikaw itong gumawa ng gawaing bahay ay ang nililigawan mo pa ang gumagawa. Your unbelievable." Mataray kong sabi at matiim itong tinitigan na kasalukoyan ng nakangisi.

"Kung makapagsalita ka parang ang dami mo ng nalaba, e dalawang piraso pa nga lang 'yan ng damit..........and damn. What did you do to my black shirt bakit nagkaganiyan ang kulay niyan. Akin ba 'yan?" Napatingin ako sa tinutukoy niya. Pinakatitigan ko ang kulay itim na t-shirt na nag-iba na ang kulay sa ngayon...naging kulay brown-orange na ito. Halos magkanda butas butas na rin ang itsura.