For Unicode
ဒီနေ့ ထူးတို့အိမ်မှာ လူစည်ကားနေသည် ။
အရီး ၊ မမ ၊ နိုင်ဘုန်း ၊ မိုးယံ နဲ့ ထူးတို့နှစ်ယောက်အပြင် ကိုနောင် နဲ့ နိုင်နိုင် တို့ပါ ရောက်ရှိနေတာကြောင့် ဒီသီတင်းကျွတ်အခါသမယလေးမှာ မိသားစုစုံလင်နေကြသည် ။
ရှားရှားပါးပါး အလုပ်နားရက် ကိုယ်စီရကာ မိသားစုစုံတုန်းလေး မျက်နှာစုံညီ ထမင်းဝိုင်းလေးဖန်တီးချင်တာကြောင့် မမခမျာ မနက်စောစောကတည်းက ဟင်းချက်စရာများကို တစ်ပုံတပင်ဝယ်လာပြီး ညစာအတွက် မမောနိုင်မပန်းနိုင် ချက်ပြုတ်နေတော့တာပင် ။
မမကိုယ်တိုင် ချက်ပြုတ်ထားတဲ့ မိသားစုအတွက် ထမင်းဝိုင်းကို မမတို့ အရီးတို့နဲ့အတူ ကူညီပြင်ဆင်ပရင်း ထူးမှာတော့ အိမ်ရှေ့ဆီသို့ လည်တဆန့်ဆန့် ။
" ဟိုကောင်လေး ပြန်မလာသေးဘူးလား "
လက်ထဲက ရေခဲမုန့်ဘူးတွေကို စားပွဲပေါ်တင်ရင်း မေးလာတဲ့ လူလူကြောင့် ထူး ခေါင်းကိုသာ အသာ ယမ်းပြလိုက်သည် ။
" ထမင်းစားချိန်တောင် ရောက်တော့မှာကို ဒီကောင်လေးက မဟုတ်တော့ဘူး ၊ နေ့လည်ကတည်းက ထွက်သွားတာမဟုတ်လား ထူး "
" အင်း ဟုတ်တယ် "
" မင်းကို ဘယ်သွားမယ်ပြောသွားလဲ "
" ကိစ္စရှိလို့ သူငယ်ချင်းတွေဆီ သွားဦးမယ်ဆိုပြီး ပြောသွားတာ "
လူလူက တဖြည်းဖြည်း မျက်မှောင်ကြုံ့လာကာ
" ဒီလောက်ကြာနေပြီကို မင်းက ဖုန်းမဆက်ဘူးလား "
" မဆက်တော့ပါဘူး ၊ တော်ကြာ ငါ ဖုန်းဆက်ရင် အနှောက်အယှက် ဖြစ်နေမှာစိုးလို့ "
" အေး....မင်းလည်း ဒီဟာလေးကို ကြပ်ကြပ်အလိုလိုက် ၊ မင်း ဒီလောက်ထိ အလိုလိုက်နေလို့ ချမ်းက ဆိုးနေတာ ၊ ဒီကြားထဲ အချိုးပြေနေလို့ ငါ့တူလေး ရင့်ကျက်လာပြီမှတ်တာ...ခွေးမြီးကောက် ကျည်ထောက်စွပ် ပုံစံတွေက လုပ်လာပြီ ၊ မိုးယံ.... "
ပွစိပွစိပြောနေရင်း မိုးယံကို ကောက်ခါငင်ခါကြီး ထခေါ်လာတာကြောင့် မိုးယံမှာလည်း သူ့ ကိုဘုန်းရဲ့ ခေါ်သံအောက်မှာ ပျာခနဲ ။
YOU ARE READING
အသက်ဆက် သွေး ( အသက္ဆက္ ေသြး )Completed
Romance#For Zawgyi ဤဇာတ္လမ္းသည္ စာေရးသူ၏ စိတ္ကူးယဥ္သက္သက္မွ်သာ ျဖစ္ပါေသာေၾကာင့္ တစ္စံုတရာ တိုက္ဆိုင္မႈရွိပါက နားလည္ေပးၾကပါရန္ႏွင့္ အေၾကာင္းအရာ လြဲေခ်ာ္မႈမ်ား ရွိခဲ့လွ်င္လည္း စာေရးသူ၏ အားနည္းခ်က္ျဖစ္ေသာေၾကာင့္ စာဖတ္သူတို႔မွ ျဖည့္စြက္ေတြးေပးရင္း ခြင့္လႊတ္ေပး...
