سـعـد الـبـايـرات

|3|

💜سـعـد الـبـايـرات💜
بقلم #رباب نجمة وَ إكرام#
الحلقة الأولى:
عنوان الحلقة: منحوسة وباغا نولي عروسة🤷🏻‍♀️.
الجزء3:
ياقوت : واخا الالة...
رباب ( وهي كتنقز ) : يااس اخيرا غنتزوج حتى انا بحال بنات القبيلة .... صافي خاصني نمشي نوجد راسي باش مني يعيط ليا با يلقاني واجدة ... واخا معرفتش علاش مقالهاش ليا.... مهم ماشي مشكل نمشي نقاد حالتي....

مشات رباب لبسات احسن قفطان عندها و مع هي بيضة جاا معاها كيحمق ومشات دارت السواك و الكحل و واحد العكر ديال 24 ساعة عندها من عام الفيل دارتو ففمها و حناكها ( زعما تزنيكة هههه ).....

رباب ( شافت راسها فالمراية ) : ناري على تيتيزة كنت حاكرة راسي .... اصلا نجيو مع بعضياتنا

شوية وهي تسمع الزغاريت و الشطيح
رباب ( بنظرة استفهام ) : اش هادشي
طلات بنص عين من السرجم ديال بيتها حتا كتبان ليها ديك اللفعة ديال بنت عمها داخلة هيا و مها و باها ... و لابسة قفطان وحادة عينيها

رباب : ويلي هاد اللفعة اش جاية دير هنا .... وزايداها حادرة راسها بحالا هي لي جايين يخطبوها ( ضحكات باستهزاء ) حمقة

ياقوت جايو كتجري وعينيها حمرين و كتنفس بسرعة
ياقوت : لالة لالة اهئ اهئ اهئ سمحي ليا والله مدرتها بلعاني ... عافاك الالة .. اهئ اهئ اهئ
رباب : ياقوت مالكي اش واقع ليك ... دوي مزيان راه مفهمتش اش كتقولي
ياقوت : الخطيب الالة الخطييب اهئ اهئ اهئ
رباب ( خرجات عينيها ) : مالو .... ياكما با مقبلش بيه
ياقوت : لالة معرفتش كيف غنقولها ليك .... راه مجاش باش يخطبك.... جا يخطب بنت عمك لالة نجمة ... سمحي ليا عفاك والله مدرتها بالعاني
رباب ( الدمعة فعينيها ) : ككككك... كيفاش ماشي انا كيفاش ... سيري خرجي ( بالغوات ) خرجي قلت ليك خرجي عليا مبغيتش نشوفك مازال
ياقوت ( خرجات ) : سمحي ليا الالة

رباب ( بركات فالناموسية كتبكي ) : علاش ياربي علاش ... اهئ اهئ اهئ فينما نقول اخيرا حن عليا مكتوبي كتجي شي حاجة كتنكدها عليا تفوو .... اهئ اهئ اهئ .....

بقات ناعسة وكتبكي على مكتوبها زهرها لي معرفاتو امتا غيحن عليها حتا جات الخدامة
الخدامة : لالة لالة تكلمي لسيدي بغاك تجي تبركي معاهم
رباب ( وهي كتمسح دموعها و كتبكي ) : هه يلاه تفكروني راني كاينة ف هاد الدار ... اصلا انا بحال الديكور هنا .... سيري قولي ليهم مريضة و ناعسة
الخدامة : واخا الالة ...

رباب : نعس انا شوية ... اصلا انا الله مكتب ليا حسن من هادة ... منتقلقش اصلا معاجبنيش شو كيداير ....

بقات داوية معا راسها حتا داتها النعسة ونعسات بحالة حتى حاجة مواقعات ليها .... اصلا هيا موالفة ديما كيوقع ليها بحال هكا ... زهرها عوج معندها ما تدير مسكينة .....
#يتبع..
هادي كانت الحلقة الأولى آراؤكم حبيباتي 💕