سـعـد الـبـايـرات

|8|

💜سـعـد الـبـايـرات💜
بقلم #رباب نجمة وَ إكرام#
الحلقة الثالثة:
عنوان الحلقة: الهبيل وبنت شيخ القبيلة.
الجزء 8 :

كميشة : شوفي أزين ديالي مديش على هاد البايرة راه كتغير منك..
رباب: بزاف عليك انا راه بنت الحاكم و أجرك على الله سيد الرجال جا خطبني و مبغيتش..
كميشة: نتي راه خاصك غير راجل و تسكتينا..
رباب كتشوف فيه و عينيها خارجين مكرهاتش تقتلو ديك الساع..
كميشة: شوفي احبيبة متخافيش انا راه منضحكش عليك نمشي نخطبك من عند باك ... الراجل هو لي يدخل من الباب ماشي الشرجم ... ياك احبيبة !!
اكرام: متبقاش تقول ليا حبيبة ازمر... سير بعد مني اويلي..
رباب: زيدي زيدي تبعيني نمشيو للدار هادا مغيخليناش نبركوا فخاطرنا..
اكرام: يلاه اختي ( تخشات موراها وشادة فيها )..
كميشة(شد فيد اكرام): اجي أحبيبة..... باقي مدويناش على الصداق و العرس.. شوفي نقولك من هنا العرس غا تضياع الفلوس... غنمشيو نيشان لدارنا
اكرام (نترات ليه يدو و جاتها البكية): بعد مني اهئ اهئ اهئ .. اشمن عرس مغنتزوجش بيك..
رباب (جراتها): يلاه زيدي نمشيو للدار.. و نتا غير بلاتي دابا نقولها لبا وديك ساعة غنوريك العرس و الصداق كي داير...

وصلات اكرام و رباب لدار اكرام و دخلو لبيتها و رباب شادة كرشها بالضحك و اكرام كتبكي..

رباب: ههههه ناري قال لك مبغاش العرس ههههه شحال غطلبي ليه فالصداق؟...
اكرام: اهئ اهئ اهئ .. بعدي مني انا مخلوعة و نتي كضحكي.. حشومة عليك..
رباب(ضرباتها بكتفها و هي كضحك): و مالك اصحبتي ياك كنتي باغة عريس.. هاهو جاك سيد الرجال اش بغيتي مزال هههههه..
اكرام: بغيت راجل ماشي الهبيل ديال الدوار.. اهئ اهئ اهئ ..
رباب: واخا هكاك راه زوين ههههه غي تزوجي بيه.. اه راه قال ليك ما بغا عرس غيديك لديك الخربة ديالو نيشان..
اكرام: كضحكي عليا .... اهئ اهئ اهئ ... واش هاد الزين كامل كامل غيدي هبيل... بغيتيني نولي ضحكة للفعات ديال بنات عمي.. اهئ اهئ اهئ.. غيبقاو يضحكوا عليا
رباب: اويلي تي مالك دغيا تقلقتي .. راه معندو ميدير لك اويلي واش نتي بنت شيخ القبيلة و صاحبتك بنت الحاكم وخايفة...
اكرام: واش مغيدير ليا والو ياك..
رباب: ويلي معندو ميدير ليك..
اكرام: ههههههه كيشبه لداك العريس لي جاب ليك داك الجن هه..
رباب: متبقايش ضحكي عليا احمباك ههههه..
اكرام: سنانوا كاملين طايحيك هههه..
رباب: وييه.. اوا نخليك دابا تلقاي با كيسول ياقوت عليا.. الدرية ديما مغطيا عليا..
اكرام: يلاه سيري بالسلامة ..
رباب: متنسايش تسلمي ليا على حبيب القلب... احبيييبة..
اكرام: شتي البسالات هزي بلغتك دردبي لدار باك..
رباب: هاهي غادا...

يتبع ....