سـعـد الـبـايـرات

|30|

💜سـعـد الـبـايـرات💜
بقلم #رباب نجمة وَ إكرام#
الحلقة التاسعة:
عنوان الحلقة: حمام القبيلة
الجزء 30 :

الصلا والسلاااام على رسوووول الله ... دخلو اهل العريس للصالون عند الحاكم و رباب مقاداها فرحة اخيرا غتزوج بالسيف ...

هنية : اوا اش غنقولك اسيدي ... انا و ولدي جينا طالبين راغبين فلالة البنات رباب
الحاكم : مرحبا والف مرحبا انا من جيهتي منزيدهم غير الرضا ... و القرار يبقا ليها ( شاف فرباب ) اوا اش قلتي ابنتي
رباب ( حادرة راسها و كضحك )
هنية : اوا كيقولو السكوت علامة الرضا
الحاكم : اوا نفراو الفاتحة
هنية : بلاتي اسي الحاكم و مديرهاش مني قلت صواب .... حنا فعاداتنا خاص فالخطبة العروسة طيب لينا الحسوة هكا باش كنقيسو عرايساتنا
الحاكم : هادي بنتي تربية يدي و عارفها علاش قادة مكين لاش هادشي
الباتول : اه بصح الالة هادشي لي كاين
رباب : ماشي مشكل نطيبها
اكرام : اه بصح اعمي صافي غير خلينا هاحنا نمشيو
هنية : طيبها بوحودها ابنيتي نتي بقاي معانا
اكرام ( شافت فرباب ) : ايه واخة

مشات رباب للكوزينة واخة قليل فين كدخل ليها وجدات الحسوة و حطاتها تطيب و من قلت عقلها مشات و خلاتها .... وهي دخل المسمومة ديال جمانة

جمانة : قلت ليك والله ما نفلتك ... باش تعلمي مرة اخرى تجي تحلي عليا فمك ( حطات ليها السودانية الحارة فوسط الحسوة ( الشربة ) و خرجات بحالة حتى حاجة مواقعة .....

رجعات رباب تحط الحسوة فالزلايف وهي فرحانة ... وداتها ليهم للصالون

اكرام : مالك على هاد التعطيلة
رباب : مبغاتش طيب طابت غير بزز

هنية ( خرجات عينيها ): الما الما عطيوني الما اش هادشي درتي واش باغة تقتليني انا عندي الحساسية و نتي حطيتيها بلعاني
الباتول : تش واقع الالة اش واقع
هنية : سولي بنتك لي حاطة ليا الهريسة ولا معرفت اشنو ... باغة تقتلني
الحاكم : غير سوء تفاهم الالة غير بلعقل
هنية : ما كين ما ولكن على مااي حماقيت ندي هادي لولدي و لداري بغيتي دير فينا شي حاجة
الباتول : متهدريش هكا على بنتي
الحاكم : خرجي عليا نتي و ولدك دابا ( بالغوات ) يلاااه
هنية : اصلا مكنتش عوالة نبقا ... نوض اولدي نوض نمشيو بحالنا

رباب بقات كتشوف و مصدومة شوية ناضت مشات كتجري لبيتها

رباب : اهئ اهئ اهئ ... انا منحوسة والله شي نحس تابعني
اكرام ( عنقاتها ) : متقوليش هاكا اصحبتي الف راجل يتمناك
رباب : بغيت غير واحد من داك الالف غير واحد
اكرام : لقيتو لراسي بعدا
رباب ( كضحك ): الله يعطينا شي راجل ان شاء الله
اكرام : اوا هكاك ضحكي اصحبتي واش هداك حتى هو يقولو عليه راجل .. وهو مخبي مورا مو ..
رباب : ولد مو ههههه
اكرام : هههه ويه  ونتي تستاهلي حسن منو
رباب : والله الى عندك الحق هههه

#يتبع🌟