سـعـد الـبـايـرات

|10|

💜سـعـد الـبـايـرات💜
بقلم #رباب نجمة وَ إكرام#
الحلقة الرابعة
عنوان الحلقة: حكيم القبيلة.
الجزء 10 :

وسط النهار .. كل واحد فبيتو  ساد عليه .... ياقوت داخلا مع باب الدار وهي تشوفها رباب..

رباب: ياقوت..... فين كنتي شتك يلاه داخلا..
ياقوت: كح كح كح كح ... كنت عند الحكيم الالة .. كح كح..
رباب: شكون هاد الحكيم ؟ ... كنتي تقوليها ليا نقولها لبا يجيب ليك الحكيمة تال الدار..
ياقوت: غير حينت كيدوز فابور قلت بلاما نصدعكم .. كح كح كح كح..
رباب: فين كاين هاد الحكيم ؟
ياقوت: راه كاين فالسوق هو و بزااف الحكيمات... جاو يدوزو للناس..
رباب: كي داير هو فوجهو..
ياقوت: اش غنقول ليك الالة ... واخا نعيا نوصف ليك الالة مغنوفيش ليك اش كاين ... زويين .. اللحية .. و الشهامة .. و طوييل ....
رباب: صافي سكتي سكتي ... غتسكتي ليا القلب احح كنحس براسي ضرني غنمشي نهز جلابتي نمشي ندوز .. بسلامة
(لبسات رباب جلابتها و مشات بالجرى عند اكرام ... رباب كدق فالباب .. وهي تحل ليها مي محجوبة)..

محجوبة: السلام ابنيتي.
رباب: السلام مي محجوبة لاباس... فيناهي اكرام؟
محجوبة: راهي كاينة فبيتها ابنيتي..
رباب: صافي هاني غندخل عندها :..... اكرام واااا اكراااام..
اكرام: مالك جاية بعجاجتك ثاني اش كاين..
رباب: جري جري .. لقيت لراسي الراجل..
اكرام (خرجات عينيها): فيناهو؟ ... واش جا خطبك شي واحد ؟
رباب: لا 😒 ولكن راه جاتني خبيرة باقة سخونة من عند ياقوت..
اكرام: اما هيا؟
(رباب: دابا ياقوت مريضة .........)..
اكرام: اوا جري جري قبل ميديوه لينا..
رباب: راه داكشي علاش جيت عندك .... لبسي عليك و تبعيني هاني نتسنا فيك..

(لبسات اكرام بالزربة و مشات هي و رباب للسوق على اساس انهم مراض .... وهوما يدخلو للخيمة)..

رباب: السلام و عليكم فين هو الحكيم ؟
*****: بغيتي تقصدي الطبيب الالة..
رباب: اه اختي..
*****: اش ضارك..
رباب : والو ... ااا بغيت نقصد ضارني راسي بزااف..
*****: ونتي الالة ؟
اكرام: انا !!.... حتى انا بحالها...

#يتبع