سـعـد الـبـايـرات

|29|

💜سـعـد الـبـايـرات💜
بقلم #رباب نجمة وَ إكرام#
الحلقة التاسعة:
عنوان الحلقة: حمام القبيلة
الجزء 29 :

🌹 عند رباب 🌹
كتمشا فممرات القصر وهي معصبة حتا وصلات لبيتها و دخلات ....

رباب : انا انا .... بنت الحاكم تجي بنت مول الحمام تشفا فيا .. هاا ولا دابا قد سطل قد القب .... والله كون درت فيها راسي حتا ندخلها للحبس ... ولكن غا بلاتي غنتزوج سيد الرجال كلكم غتحلو فيا فمكم
ياااااقووووت ياااااقوووووت
ياقوت : نعام الالة
رباب : غنمشيو للحمام
ياقوت : واخة الالة غنمششي دابا نوجدو ليك
رباب : ماشي حمام القصر .. قصدت حمام القبيلة
ياقوت : ولكن الالة راه سي الحاكم مغيبغيش تمشي للحمام العادي
رباب : وجدي ليا حوايجي و داكشي لي غنديو ...
ياقوت : ولكن الالة
رباب : صافي قلت ليك وجديهم .. ومعندك مناش تخافي ختى حد مغيسيق الخبار و هاهي امرام شوية وتجي
ياقوت : واخة الالة ....
اكرام : ( فجأة دخلات عند رباب ) : تي مالك بايتة تحلمي بيا ولا كيفاش مفيقاني من نعاس باش تقولي ليا جيبي حوايجك و جي دابة
رباب : غنمشيو لحمام القبيلة نقلبو على مكتوبنا راه بنادم ولا كيتشفا فينا ( عاودات ليها كلشي بالتفصيل )
اكرام : اوا هانتي على بنت مول الحمام
رباب : اوا هزي رزمتك وتبعيني ...

هزو حوايجهم و مشاو للحمام ... و مع مساكن ممولفينش حسو بالخنقة

رباب : كح كح كح .... اش هاد الدخان
اكرام : انا شوية غنموت ... يلاه نفلبو على بلاصة
رباب : راهي بلاصة خاوية نمشيو نبركو فيها ..
اكرام : جري جري قبل ميشدوها لينا ...

مع جات تجري و هي تجيب الربحة ... وكلشي كيضحك عليها و على هبالها

رباب : تي نوضي درتي فينا الضحك الهبيلة
اكرام : اي رجلي اي اح ... رجلي كضرني
رباب : تسندي عليا نمشيو دغيا نبركو
اكرام : اي على زهر عندي دابا واخة تعيط ليا شي مرا منقدرش نحك ليها
رباب : هادشي لي همك و كون تهرستي الله يحفظ .. هاد الخفة لي فيك ماشي طبيعية ... بركي بركي نمشي نعمر سطولة
اكرام : سيري سيري دغيا راه تخنقت بغيت غير نخرج فحالي ...

عمرات رباب السطولة و جات بركات كتحك بشوي ... كتسنا شي مرا تعيط ليها تحك ليها

هنية : اجي ابنيتي دوزي ليا على ضهري الله يرضي عليك
رباب ( غطير من الفرحة ) : اهاه واخة اخالتي
هنية ( عطاتها الكيس ) : هامي اميمتي ... بنيتي نسولك
رباب : اه شنو
هنية : اش سميتك عمري شتك فالحمام
رباب : سميتي رباب بنت حاكم القبيلة
هنية ( عينيها خرجو و دارت عندها ) : ببب بنت الحاكم ... و اش كديري هنا
رباب : والو بحالي بحال الناس ..
هنية : ونتي مزوجة
رباب : لا اخالتي باقي مجاب الله
هنية : اوا ابنيتي اش غنقول ليك انا عندي واحد الولد و باقي ملقا بنت الناس لي ترضيه ... اش بان ليك
رباب : اجيو لدار با و ميكون غير الخير
هنية : صافي وجدي راسك غذا نجي انا و ولدي نخطبوك من دار باك
رباب : ان شاء الله ..

رباب مشات كتجري لبلاصتها عند اكرام ...

رباب : افرحي ليااا اصحيبتي راه تخطبت تخطبت ...
اكرام : يو يو يو يو
رباب ( سدات ليها فمها ): سكتي غتشوهينا اهاد الموصيبة ....
اكرام : وامتا جايين
رباب : غذا ان شاء الله و سربي نخرجو فحالاتنا

#يتبع..