سـعـد الـبـايـرات

|32|

💜سـعـد الـبـايـرات💜
بقلم #رباب نجمة وَ إكرام#
الحلقة التاسعة:
عنوان الحلقة: العرف.
الجزء 32:

وصلوا البنات لسوق القبيلة و معهم الجنود لي مكلفين بحمايتهم... طلقوا حلوقهم وبداو يبرحوا كيف البراح باش يتجمعوا عليهم النسا...
رباب: وااا عيالات الدوار وااقربواا وتجمعواا عندنا ليكم شي كلام...
إكرام: وا العيالات واش ماتوحشتوش بناتكم واش ما أثرش فيكم فراقهم.. واش تبيغو يوقع مع بناتكم كيف وقع للي قبلكم ويموتوا مرجومات ونتوما ماقادرات ديروا والوا...

تكلمات مرأة باين عليها الحزن وباينة مهمومة..
المرأة: من نهار مشات عليا بنتي ماجاني نعاس مابقيت ناكل ولا نشرب... هئ هئ رزاوني فكبدتي وكلت عليهم الله ياخد فيهم الحق هئ هئ الله ياخد فيهم الحق..

رباب وإكرام مشاو عندها وعنقوها كيواسيوها..
إكرام: ماتبكيش الحاجة بنتك ماتت شهيدة وإن شاء الله تكون من أهل الجنة عليك بالصبر..
المرأة: هئ هئ إن شاء الله أبنيتي هادشي لي نبغي... الله يرضي عليكم أنا معكم فلي بغيتوا ديروها...
رباب: بغينا نجمعوا النسا قدام القصر ونطالبوا بإسقاط هاد العرف لي ماشفنا منو غير القهرة والغبينة..
المرأة: أنا معاك...
المرأة 2: حتى أنا معكم مابغيتش بنتي يوقعليها بحال لي سبقوها..
البنت: حتى أنا مابغيتش نترزى فحياتي...

رباب وإكرام جمعوا النسا وقصدوا حاكم القبيلة...
غوتوا قدام القصر حتى طل عليهم جندي وتكلم..
الجندي: سيد الحاكم قاليكم رجعوا لديوركم اليوم يحكم في أمركم..
المرأة: كيفاش نرجعوا لديورنا... ؟
مرأة أخرى: مانرجع لداري حتا يتحكم بإسقاط العرف..
المرأة الأولى: مايمكنش نرجعوا حتى ناخدوا حقنا..
رباب: تهدنوا أ العيالات حقكم غادي تاخدوه غير هو رجعوا لديوركم حتا يحكم الحاكم وديك الساعة عاد غادي نعرفوا شنو نديروا..
المرأة: وخا أبنيتي..

رجعوا العيالات لديورهم والحاكم جمع ناسو باش يجتامعوا ويتناقشوا...
إكرام غادا جايا فالممر لي كيدي للقاعة وكطرطق صباعها بتوتر..
رباب: وقفي خلاص راكي دوختيلي راسي..
إكرام: وماشفتيش هاد الدوخة لي شاداني.. عنداك يحكم ضدنا وديك الساعة غانزيدوا شوهة على شوهة..
رباب: فمك لحسو كلب مصعور أ العوجة... مالكي ديما كتهضري هكا...
إكرام: مالي شنو قلت..
رباب: متشائمة بزاف..
إكرام: وعلاش ياك حنا منحوسات..
رباب: كنتمنى سعدنا يوقف بجنبنا هاد المرة...
إكرام: إييه نشوفوا..

خرج يوسف ووقف قدام رباب..
يوسف: اوا فرحي ألالة العرف تبطل..
رباب(بفرحة): واش كتهضر بصح؟
يوسف: وعلى أنا موالف نتمازح..
إكرام: مزال مامتيقة هه..(عنقاتو بلاما تحس وبعدات منو كتشوف فالرجال لي خرجوا من القاعة ورماو عليها العين)..
يوسف: احم نخليكم دبا...
رباب: أخيرا ههه..
إكرام: ودبا خلينا نمشيو نسمعوا للحكم...
مشاو البنات كيطلوا على ساحة القصر فين كانوا مجموعين أهل القبيلة نسا ورجال..
سمعوا للخطاب لي لقاه الحاكم.. ورجعوا لغرفتهم... أما العيالات برى كانوا كيحمدوا الله ويشكروه ويشكروا البنات لي كانوا سباب..

#يتبع..