سـعـد الـبـايـرات

|5|

💜سـعـد الـبـايـرات💜
بقلم #رباب نجمة وَ إكرام#
الحلقة الثانية:
عنوان الحلقة: الفانوس السحري🧞‍♂️🧞‍♂️
الجزء 5:
تعاشات العشية وهما مزال مخيمات فالغابة..
إكرام مستمتعة بالجو أما رباب غي حايزة سلتها عندها وكتفكر..
إكرام: تي مالكي معنقة ديك السلة خايفاها دير الرجلين وتهرب..
رباب: هيهي بحال داكشي..
إكرام: احح شحال تهدنولي أعصابي بهاد الخريجة الجو كيهبل..
رباب(فخاطرها): كون تشوفي أنا..
إكرام: بحرا نرجعو للدار مشا الحال..
رباب: إييه عندك الصح نوضي نمشيو..
رجعوا البنات لديورهم ورباب دخلات لبيتها خايفة و متحمسة..
جلسات فوق السرير والفانوس بين يديها ابتاسمات ونطقات..
رباب: أخيرا غانتزوج..
مسحات عليه وهي تحس بالبيت مشا وجا بيها والفانوس كيتحرك بين يديها.. وسعات عينيها بدهشة وهي كتلمح غمامة زرقة كتشكل فالهوا.. رمشات بعويناتها وبان قدامها جن أزرق..
رباب: بب بسم الله الرحمان الرحيم..
الجن الأزرق: شبيك لبيك الجن الأزرق بين يديك طلبي أش بغيتي وأنا ماعليا غير نحقق ليك.. حيت نقذتيني وخرجتيني من الحبس لي كنت عايش فيه..
سرطات ريقها وهي كتشوف فيه ونطقات بابتسامة..
رباب: بغيت نولي أنا هي سلطانة هاد البلاد.. وبغيتك تمسخ بنت عمي نجمة وتردها شوهة فالقبيلة وبغيت نتزوج بأحسن راجل فهاد الدنيا وبغيت ن...
قاطعها الجن الأزرق وهو مخنزر..
الجن الأزرق: واش حسابليك أنا ماكينة..
رباب: وياك عاد قلتي طلبي لي بغيتي اوا انا ماسوقيش بغيتك تحققلي هادشي كامل..
الجن الأزرق: للأسف عندك غير أمنية وحدة.. فكري مزيان حيت مايمكنش ترجعي تبدليها..
رباب: وخا وخا..  أمنيتي نتزوج هادشي لي بغيت..
الجن الأزرق: ساهلة وجاتك..
رباب(لمعوا عينيها): بصح هي غير ننعس على جنب الراحة..
الجن الأزرق: غير تهناي غدا فالصباح غايتعلن زواجك..
رباب: الله يجازيك بالخير هه..
تكات رباب فبلاصتها وعينيها مفتوحين كتفكر مابغاش يجيها النعاس..
#يتبع..