سـعـد الـبـايـرات

|24|

💜سـعـد الـبـايـرات💜
بقلم #رباب نجمة وَ إكرام#
الحلقة السابعة:
عنوان الحلقة: جيبوليا ولد عمي.
الجزء 24:

الباتول : يلاه تبعوني و بلا تعطال ..
رباب : صافي واخة ..
اكرام ( جرات رباب من يديها ) : يلاه زيدي نمشيو ..
رباب ( نترات ليها يديها ) : وتسناي نغطيو هاد الحرقة ( بقات سااهية ) ويلي ويلي ... عنداك يكون عارف راني تحرقت بلاتي نغطيها ...
اكرام : اوووف وسربي دغيا راه بغيت نخضر عويناتي
رباب : وا غيير تسناي

قادات رباب الفتصمة ديال رجليها .. وغطاتها بجلايل قفطانها و مشاو عندهم للصالون

عدنان : هاي هاي بنت عمي كبرات و زيانت ..
رباب ( حشمات زعما ) : غير شوية وصافي
اكرام شادة فمها وكضحك : بصح بصح
عدنان ( شير فاكرام ): اجي نتي شفتك فشي بلاصة
اكرام ( تخلطو ليها اللوان فوجهها ): حم ... لا لا فين غتشوفني وانا اصلا مكنخرجش من الدار
عدنان : معرفتش ولكن وجهك مألوف ليا ...
رباب : واقيلة غير تشابهات ليك ..
عدنان : ما علينا ... مالك ارباب كتعرجي
اكرام : مني كنا جايين تلوات ليها رجليها ..
رباب : اه اه غير تلوات ليا شوية وتولي بيخير ..
عدنان : اه اوا صافي معندك باس ...

كملو الحديث ديالهم وهما كيتعشاو .. ومن بعد ما سلاو كل واحد مشا لبيتو كيف العادة

عدنان : نخليكم غنمشي للبيت يلاه نقاد حوتيجي فالبلاكار
الباتول : واخة اولدي .. هيط لشي واحد من الخدم يعاونك
عدنان : لا مكين لاش نقادهم بوحدي
الباتول : اوا نتا تعرف اولدي
عدنان : تصبحو على خير
الكل : حنا ونتا

اكرام : عمي واخة تقول لبا راه غنبات مع رباب اليوم
الحاكم : اه واخة ابنتي ... اوا دابا سيرو تنعسو راه مشا الحال
رباب : واخة ابا تصبح على خير
الحاكم : حنا و نتي ....

مشات رباب واكرام ... دخلو للبيت كيفكرو فشي طريقة باش تمشي رباب عند عدنان تدوي نعاه وتعرف اش تحت راسو ...

اكرام : لقيتها ..
رباب : اش لقيتي
اكرام : هانتي غتمشي عندو على اساس غادي تعاونيه يقاد حوايجو ... اوا بقاي تجري ليه لسانو حتى تعرفي اش تحت راسو
رباب : والله الى فكرة واعرة ولكن الى شافني با ولا يوسف والله حتى يقتلوني
اكرام : باك راه نعس ... قبيلة شفت ضواو طافيين فالبيت .. وخوك غنبقا مقابلاه الى شفتو خرج غنمشي عندو نلاهيه باش ميجيش عندكم
رباب : يلاه سير عالله هاني غنمشي دابا عندو ... دعي معايا
اكرام : سيري انا بغيتو يقمعك ...ااا لا لا غير كنضحك على الله يتزوج بيك ويهنيني منك طول الحياة
رباب : لهلا يحييك حتى يقمعني ..
اكرام : وا صافي سيري سيري ونتي راس مالك غير هضرة
رباب : صافي هاني غادا

مشات رباب وصلات حتى لباب البيت وهي دق بشوية

عدنان : شكون ...
رباب : هادي غير انا
عدنان : رباب ؟!
رباب : اه اه
عدنان : دخلي ...
رباب : سمح ليا صدعتك فهاد الليل .. غير جيت باش نعاونك تقاد حوايجك غتكون عيان
عدنان : لا لا اشمن صداع اختي الدنيا هانية
رباب ( فخاطرها ) : كيفاش ختي يخوي ليك الضراس
عدنان : قلتي شي حاجة
رباب : لا لا غير واش هاد الحوايج نعلقهم ؟
عدنان : اه اختي علقيهم ليا

شوية بدا التيليفون ديال عدنان كيصوني

عدنان : اوف نسيت معيطتش ليها [ جاوب على التيليفون ودار مكبر الصوت ] الو حبيبة ... لا لا سمحي ليا والله النهار كامل وانا مشغول ... اه ضروري غذا نتلاقاو .... صافي احياتي كوني هانية .... كنبغيك
رباب ( من بعد ما سالا عدنان هضرتو بقات غير مسمرة ) : شش ... شكون هادي
عدنان : سمحي ليا دويت قدامك ولكن راه كنعتابرك بحال ختي داكشي علاش مبغيتش نخبي عليك ... هادي واحد البنت عاماين وانا كندوي معاها تعارفنا فامريكا وتافقنا نجيو هنا باش ندير الخطبة
رباب : اا ...ءء اه مزيان الله يكمل عليكم بالخير ... غنمشي دابا راه مشا عليا الحال
عدنان : اه صافي وشكرا حيت عاونتيني ..
رباب : بلا جميل..

مشات رباب ديريكت للبيت عند اكرام ..

اكرام : قولي ليا اش كاين ... عرفتي شي حاجة
رباب : اه الالة عرفت ... سيد عندو بنت فحياتو وناوي يخطبها فاقرب وقت ... اه نسيت وكيعتابرني بحال ختو
اكرام : اودي مفيهم تيقا ولاد الحرام .. مديريش فبالك اصلا خايب معجبنيش بااينة فيه شي زهواني
رباب : لاهيلا ... اش غيكون فملك الله قااه ... الدوار عامر عزارا
اكرام : ايه داكشي لي قلت ليك ... بلا متقلقي ( كتفوه ) وزيدي نعسو راه غنموت بنعاس
رباب : وييه حتى انا ... تصبحي على خير
اكرام : وانتي من اهلو يا حبيبتي
رباب : المصرية زعما هههه مسالية قبك

#يتبع