سـعـد الـبـايـرات

|13|

💜سـعـد الـبـايـرات💜
بقلم #رباب نجمة وَ إكرام#
الحلقة الرابعة:
عنوان الحلقة: حكيم القبيلة.
الجزء13:

رجعوا البنات لقصر الحاكم.. وبالهم غير مع شنو وقع كيفكرو ويعاودوا كفاش ينتاقموا من ديك المسمومة..
إكرام(نقزات فرحانة): لقيتها..
رباب(بعدم فهم): تي شلقيتي ؟
إكرام: لقيت فكرة تقدر تعاونا...
رباب(ربعات يديها): وأما هي أدادا الفاهمة ؟
إكرام: الفانوس السحري...الجن الأزرق هو لي غايعاونا وينتاقم لينا من ديك الجيفة..

وسعات رباب ابتسامتها برضى ونقزات على إكرام معنقاها..
رباب: إوا شتي هكا نبغيك طيريها فالسما الله يرضي عليك أصحيبتي..
إكرام(بغرور): إوا شفتي راه غير مكنبغيش ندوي ونبان..
رباب: وكان!!  ياختي غير دوي وفهيمي علينا..
إكرام: المهم أنا راني تعطلت النهار كامل غابرة على الدار غادي نمشي دبا ونقول لبا شي سبة باش نجي نبات عندك الليلة ونديروا داكشي لي تافقنا عليه..
رباب: صافي ألحبيبة غير سيري وفالليل أجي عندي نبلانيو باش نتهناو من ديك اللفعة المسيميمة...
إكرام(لبسات بلغتها): يلاه تهلاي هاني مشيت..
رباب: الله يعاون..

خرجات إكرام من غرفة رباب وخلاتها كتفكر فخطتها... باليها أخ رباب خارج من الصالة الكبيرة بلبستو الثقيلة....سلهام كحل وبلغة لامعة فرجليه باينة ثمينة... حروف كحلين وشعر رطب حرير..
لمعوا عينيها والخلفة تلفات عليها.. تمشات عندو بخطاوي مخربقين حتى ماقالت وصلات وقدامو بانت..
يوسف(بصوت رجولي): إكرام لاباس عليك ؟
إكرام(تحنات ليه كإحترام لقيمتو ومكانتو وتكلمات بتوتر من هيبتو وكلامو النبيل): الحمد لله أمولاي يوسف.. نتمنى لمقامكم الكبير تكون بخير ومامخصوص من حتى حاجة نتوما مالين الخير..
يوسف(تبسم جنب وتكلم بلطافة): مكاين لاش ألقطيطة تدوي بحال هكا هذا غير يوسف لي قدامك ماشي ولد الحاكم لي كايخاف منو كل كبير وصغير...حنا كبرنا مجموعين مكاين لاش هاد الرسميات نتي راك بحال ختي رباب...
السيدة تخطف لونها وكلماتها خانوها... وتكلمات في نفسها "كفاش بحال ختو رباب أويلي حااااي....كيعتابرني بحال ختو..... إوا الخوااا يا مولاي يوسف الخوااا يجيك فالجنابي وتبقا عليا تدادي".....
إكرام: عارفة لي كاين أمولاي....بغيت نقول يوسف ولكن ولفتها وصعيب تزول من لساني...
يوسف: ماشي مشكل المهم تحاولي..
إكرام: المهم نخليك تعطلت على الدار وهادي ماشي ديالي....
يوسف: وخا بسلامة تهلاي فراسك..
إكرام: بسلامة....
خرجات إكرام من قصر الحاكم نيشان لدارهم لي كانت شبيهة بالرياض...
إكرام(بالغوات):مي محجوبة...
محجوبة: هاني أبنتي فالكوزينة تعالي عندي..
مشات عندها إكرام وجلسات حداها..
إكرام: مي محجوبة أنا غانمشي نبات عند صاحبتي رباب إلا سول فيا با قوليلو بنت الحاكم طلبات تشوفني وأنا ملزوم عليا نفذ ونمشي... فهمتي قوليهاليه بالحرف باش مايغوتش عليا ثاني..
محجوبة: وخا أبنتي كوني هانية غير هو ردي البال لراسك..
إكرام: وخا أميمتي غير تهناي عليا....

#يتبع..