💜سـعـد الـبـايـرات💜
بقلم #رباب نجمة وَ إكرام#
الحلقة الخامسة:
عنوان الحلقة: الشوافة خناتة
الجزء16 :
👑 اصبحنا و اصبح الملك لله 👑ياقوت ( كتفيق فيها ): لالة ... لالة فيقي ..
رباب : نعام اياقوت اش كاين ..
ياقوت : خاصنا نمشيو عند الشوافة الالة
رباب ( هزات راسها شافت الساعة ) : باقي الحال ... يلاه 6 الصباح ..
ياقوت : قلت الالة نمشيو الصباح .. باش حتى واحد ميشوفنا .. راك عارفة بنادم غير طالق الرادارات
رباب : لا انا منقدرش نمشي بلا اكرام ... متخافيش شوية غتجي راه دويت معاها .. نيت با و خويا يكونو مشاو لمجلس الشيوخ
ياقوت : واخة الالة لي بان ليك ..
رباب : اه .. صافي غير سيري كملي نعاسك فبيتك حتى تجي اكرام و نعيط ليك
ياقوت : واخة الالة .. خليتك على خيررجعات رباب كملات نعاسها ... و بعد جوج ساعات تقريبا جات اكرام و دخلات للبيت على غفلة
اكرام ( كضرب فرباب ) : نوضي نوضي .. واش منيتك باغة تمشي عند هديك الزمر واش كتيقي بهاد الخزعبلات
رباب ( كتحك عينيها ) : اش بغيتي على الصباح
اكرام : نتي معيطة ليا فنصاصات ليل .. جاوبي ازمرة
رباب : اش بغيتي راه قلت ليك غنمشيو هيا غنمشيو .. معنديش حل اخر.. الى مبغيتيش تمشي سيري لداركم
اكرام : صافي .. غير وجدي راسك سربينا داباوجدات رباب راسها .. وعيطات على ياقوت باش يمشيو
ياقوت ( كتقاد ليها فالملحفة ) : ديري بحال هكا الالة .. باش ميعرفوكش
رباب : واخة قاديه مزيان ...خرجو كاملين و مشاو للسوق .. كيف العادة دنيا عامرة و كل واحد كيسعا باش يبيع داكشي لي عندو
**** : تواب الحرير تواب الحرير .. مرحبا مرحبا
**** : خضرة طريا قربو قربو مبقاش
رباب : الله ياربي اش هاد الصداع
اكرام : اووف ضروني فودني .. كيفاش كيتحملو يبقاو بهاد الصداع
ياقوت : هادشي الالة عاادي فالسوق ... طبيعي يضرك راسك حينت ممولفاش
رباب : واش قربنا نوصلو راه عييت .. ضراتني رجلي
ياقوت : مبقا والو .. ( كتنعت بيديها ) غنضورو على ليمن واحد الدار مهجورة فالشوكة هيا هاديك
اكرام ( مخلوعة ) :كككك.. كيفاش دار ممم .. مسكونة
ياقوت : متخافيش .. راه الدنيا كتكون عامرة عندها هاد الوقيتة
رباب : صافي معندنا مناش نخافو .
ياقوت : صافي هاحنا وصلنا ..
رباب ( بغات تدخل )
ياقوت : تسناي الالة ندخل ندوي معاها
اكرام : صافي هاحنا غنتسناوك هناياقوت دخلات دوات مع الشوافة ...
ياقوت : دخلو دخلو ...
اكرام ( كتكحب ) : اش هاد الريحة .. كح كح كح كتخنق
ياقوت : هادي ريحة البخور الالة
رباب : دابا واش غندخلو عندها ..
ياقوت : لا تسناوها حتا تسالي مع الناس لي قبل منا ..
اكرام : كيفاش .. واش معارفاش بلي راه بنت الحاكم هادي
ياقوت : واخة هكاك الالة .. راه اول محطاش رجلها فالسوق ولات كتعتابر من ايها الناس يعني خاصنا نتسناو حتا تسالي مع الناسبقاو كيتسناو تقريبا شي 3 سوايع .. حتا سالات مع الناس لي قبل منهم
ياقوت : يلاه الالة ندخلو .. راه سالات بقينا غير حنا
اكرام : ندخل معاكم ..
ياقوت : يلاه زيدي ندخلو كاملين حتا نشوفوها اش غتقول ....
دخلو و مجامر محاطين بيهم من كل مكان .. و البخار كتير لدرجة مبقات حتى حاجة كتبان ...خناتة : طلبو التسلييييم من هل المكان
بصوت واحد : التسليييم .. طالبين التسليييم
خناتة : اش من مشكل كاين
ياقوت : لالة رباب حلمات حلمة خايبة و جينا بغيناك تفسريها لينا و تعطينا الحل
خناتة : ايه .. عاودي اش حلمتي
رباب ( عاودات ليها الحلمة كاملة من الاول حتى الاخر )#يتبع ....
YOU ARE READING
سـعـد الـبـايـرات
Humorبعنوان: سعد_البايرات💜 بقلم: رباب نجمة وَ إكرام☆ سلام غزالاتي نتمنى تكونوا فأحسن الأحوال.. مبروك عواشركم والله يسعدكم و تنعموا بالأفراح والمسرات وراحة البال.. جيناكم أنا رباب_نجمة وصديقتي إكرام بقصة جديدة عبارة عن سلسلة كوميدية بإمتياز.. غانعيشوا م...