سـعـد الـبـايـرات

|28|

💜سـعـد الـبـايـرات💜
بقلم #رباب نجمة وَ إكرام#
الحلقة التاسعة:
عنوان الحلقة: حمام القبيلة
الجزء 28:

ياقوت : يا واااااخا جونيمار قلبي لي بغاااااك العمار الولييييد الولييد هانا جييييت هاانا جيييت هانا جيت جونيمار ...
لطيفة ( داخلا كتسلت  للكوزينة ) : هاي هاي على المغنية ديالنا
ياقوت ( قفزات من بلاصتها ) : واتي ديري غا الحس ونتي دايرة كي اللفعة داخلا بلا حس
لطيفة : هادا منستاهل منك اصحيبتي ياك ... دابا انا وليت لفعة شكرا سري انا لي جاية ليك ببشارة
ياقوت ( مسحات يديها و قربات ليها ) : اش كاين قولي
لطيفة : فرحي و سعدي براسي غنتزوج قبل بنات كبار القبيلة
ياقوت : تي شسايرة تقولي .. راه مفهمت تا وزة
لطيفة : واراه غنتزوج غنتزوج
ياقوت ( عنقاتها ) : يا قوليها من اللول .. يا خييتي شحال فرحت ليك

🌹 عند رباب 🌹

فايقة كتجبد ... شعرها شاد الرادار ..

رباب : ياااقووت يااقووووت .... جيبي الفطور ( حتى واحد ما رد عليها ) الله يابي هادي اش كدير حتى مسمعاتش

مشات للكوزينة طل على ياقوت تشوفها اش كدير حتى سمعات لطيفة بنت مول الحمام كدوي هيا وياقو و بقات واقفة كتسمع على حديثهم ....

لطيفة : وا تي غا بشوية اصحيبتي غتخنقيني ...
ياقوت : اوا قولي ليا كي درتي وفين طلاقيتو ...
لطيفة : نعاودها ليك اخيتي بحال الخرافة ... تي عارفة با هو مول حمام القبيلة.... و موااالفة ندخل نحك للناس الى مكانتش الكسالة ..
ياقوت : ايه كملي ...
لطيفة : واحد النهار مكانتش الكسالة اوا و انا نوض نحك العيالات و انا نطيح على واحد الشارفة .... بقات عليا اش سميتك .. بنت من نتي اوا شي ساعة و هي تسول فيا تقول غدير ليا لا كارط .... وانا غير تابعاها فهبالها و كنجاوب اشوية وهي تقول ليا وجدي راسك غنخطبك بولدي
ياقوت : هههههه تخطبتي فالحمام
لطيفة : اللهم الحمام و لا نبقا بايرة فدار با
ياقوت : سايرة تمعني عليا ...
لطيفة : الا اصحيبتي ... راني كندوي على بنات الحاكم و شيخ .... غنتزوج قبل منهم شكون بحالي
ياقوت : مدويش هكا دابا تسمعك لالة .... سيري سيري يلاه توجدي لعرسك

#يتبع.....