سـعـد الـبـايـرات

|11|

💜سـعـد الـبـايـرات💜
بقلم #رباب نجمة وَ إكرام#
الحلقة الرابعة:
عنوان الحلقة: حكيم القبيلة.
الجزء11:

****: أجيو معايا أنا المساعدة ديال الطبيب منعم..
إكرام غمزات رباب وشدات فيديها تابعين المساعدة..

دخلوا لواحد الركن من الخيمة تما فين لقاو الطبيب ببدلتو الطبية البيضاء وعلى عنقو السماعة.. كان جالس في واحد المكتب صغير وحاني كيكتب.. 
المساعدة: دكتور هاد الانسات بغاو يشوفوك..

غير طلع راسو قلب رباب وإكرام طاح بين رجليهم.. 
رباب:تا شهاد الجمال ياربي عمرني شفت بحالو فالقبيلة..
إكرام: سعداتك نتي لي طلعاتلك أصاحبتي..
رباب: "قل أعود برب الفلق"..لا تعودي معيناني كيف ديما..
إكرام: ياك أختي دبا أنا لي وليت كنعينك..
رباب(قلبات وجها): إييييه..
إكرام: وعلاش ماتگوليش نتي لي خايبة وحتا راجل مايقبل على  كمارتك..
رباب: إوا حاشاك هاد الزين كامل تقولي عليه خايبة (حولات عينيها) شهاد الحسد كامل أختي..
إكرام: صافي غير سكتينا نشوفو هاد المرة سعدك أ البايرة واش غايوقف معاك..

سمعوا صوت قدامهم فيقهم من لغاهم الخاوي..
المساعدة: واش أختي ماعييتوش من الجموع هادشي غير لي مريضات أما كون كنتو فصاح علم الله شكنتو ديرو..
الطبيب: تفضلو أ آنسات شكون مريضة فيكم..

نقزات رباب بحال ديك الحوتة لي خايفة لا تصيد تا فهادي..
رباب(بلهفة): أنا لي مريضة..
المساعدة(باستغراب): ياك قلتولي بلي بجوج مريضات..
إكرام(هزات حاجبها): لا يا ختي يمرض عدويا لي مايبغيني..
المساعدة حركات راسها بالله يستر من هاد الخليقات معامن طلاقات..

الطبيب: قربي أختي جلسي هنا..
رباب(بخفوت): يخويلك الضراس والجناب إن شاء الله..
الطبيب: نعااام ؟
رباب(بابتسامة): لا والو...
الطبيب: باش مريضة أ مدموزيل؟
رباب(شدات فقلبها من طريقة كلامو ونطقات): آااح أ قلبي..
الطبيب: ياك لاباس ألالة ؟
إكرام(بهمس): ههه يا على الجنية صدقات ماسويهلاش تعلمي يا إكرام باش تانتي ماتزگليش مكتوبك وما تبقايش البايرة تاع القبيلة.. يضحك عليك لي يسوا ولي مايسواش شي مرات كندم حيت ماقبلتش بالهبيل ديال القبيلة أويلي يا إكرام تي شسايرة تقولي..(تكلمات بسخرية) الهبيل وبنت شيخ القبيلة وخا نبقا بايرة أوهو مستحيل..

#يتبع..