سـعـد الـبـايـرات

|18|

💜سـعـد الـبـايـرات💜
بقلم #رباب نجمة وَ إكرام#
الحلقة السادسة:
عنوان الحلقة: قلة عقلي دارتها ليا.
الجزء 18:

👑أصبحنا و اصبح الملك لله👑

صبح الصباح و لالة رباب زينة البنات ناعسة فوق الناموسية فخيمة... اه فخيمة بحكم انهم بعاد على المستشفيات .. ولي مريض و ماعندو فلوس كيبقا فدارو حتى يجي اجالو .. ولكن بعد المرات كيجيو بعض القافلات الطبية لي كيحاولو ما امكن يدوزو لجميع الناس ....

الممرضة : كي بقات رجليك شوية ؟
رباب : اه شوية الحمد لله..
الممرضة : واش باقة كضرك الحرقة..
رباب : لا مبقاتش كضرني بزاف .. غير شوية الحريق
الممرضة : غنعطيك واحد المهدئ باش متبقاش ضرك .. بالشفاء ان شاء الله

تمات خارجة و هي دخل اكرام .. بقات كتخنزر فالممرضة طلع وتنزل..

اكرام : هادي معرت مالها .. سبحان الله مكدخلش للقلب
رباب : اودي بعدي من البنت ونتي لي شفتيها مدخلش لقلبك
اكرام : صافي خلينا من هاد عود الند و قولي ليا كي بقات ليك رجلك
رباب : لباس مبقاتش كضرني ..

فجأة حتى دخل عليهم الطبيب ...

الطبيب ( هاز شي وراق فيديه و كيقرا فيهم و حادر راسو ) : كي بقات رجليك
رباب ( كتشوف فاكرام و كضحك ) : شوية ولكن باقة كضرني و بزااف خصووصا هاد الجهة ( شيرات لرجليها )قالتها و هي كتمسكن
اكرام : مسكيينة من قبيلة و هي كتوجع .. مشات تموت فيها ( غمزاتها )
طبيب ( غادي خارج ) : دابا نعيط على الممرضة تعطيها شي مسكن يهدن الحريق ...

اكرام : شوفي ياختي معطاناش راس الخيط ..
رباب : ناري انا كنحماق على بحال هاد الرجال ... نبقا نبقا حتى نطيحو هاني فين قلتها ليك
اكرام : يلاه سير عالله .. نشوفوك علاش قادة
رباب : مكين لي بقا فيا قد دوك تنقيزات لي مكملتش فوق المجمر
اكرام ( دورات و جهها ) : واش منيتك .. داكشي كون كان فيه الخير كون كمل فيه الله
رباب : والله الى بصح .. معرت اش داني عندها من اللول
اكرام : و دابا اش غنديرو فداك القفطان لي حرقتي .. والله و تسيق ليك مك الخبار حتى تاكلي ما كلا الطبل نهار العيد..

#يتبع....