اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
* كان يا ماكان...
يا ساده يا كرام
في قديم الزمان
وسالف العصر وألاوان....
حوشكم حرير
وحوشنا مرجان
وحوش العدو مليان دود وفيران ...
وما يحلا الحديث الا بذكر النبي عليه أفضل الصلاة والسلام 🌾....
أيام زمان
جانت ريحة الفاصوليا اليابسة والبامية تتسرب من شبابيج البيوت .
و ريحة السمج لا تقاوم
وما يطفي ملوحة السمج بس البيبسي كولا .
والزوجة الحبيبة
بيوم الجمعة تضم كبدة الدجاجة وحواصلها وتحمسها للزوج (دلالة على تدليله يابه ❤️🔥 ) .
وجان الحليب والصمون نشتري حار الصبح
وجانت ام الكيمر تجيب الكيمر والزبد والالبان لبيوتنا
و جان الكمون يوصفونه علاج للمغص
و جان الناس يهنئون بعضهم البعض
أو يعزون بجيس شكر أبو خط الأحمر
والصوغة يحملها الناس لزيارة المريض
و جانت (الچفافي) توزع مع دعوات العرس
وياها جكليت معبأة بكاسات الفرح
و جانت الجارة تمد يدها من وره الباب بقوري جاي حار وسنكين لعامل النظافة...يمسح عرقه ويستظل بحايط الدار ويتهنى بشرب استكان الجاي.
و جانت ساعة السيتيزن بيد شايب البيت أغلى أجهزة البيت ثمنا وأكثرها حداثة .
والموظفين ينامون كبل ساعة عشرة حتى يصحون من وكت ..
وجانوا ما يعرفون ملمع أحذية غير أبو التمساح
وجانوا يركبون باص المصلحة الي هو الأكثر شعبية وجمالاً
وجانت أجرة الباص خمسة دنانير
جانت البيوت ما تخله من صوبة علاء الدين
(ذات البرج الفستقي المتكسر الألوان)
ومبردات الهلال جانت حلم كل بيت لأن الواتر بم أحسن من غيره
والأمهات يسبحون الأولاد لو بالطشت لو بالحمام
وبالحالتين تعذيب 😵💫
كلنا من چنا زغار ... چنا نكره الحمام !!!!!!
ليش؟
لأن أمهاتنا چانن يعذبونا تعذيب الكفار لمن يُسَبّحونا
