حكاية 📖 #قوقعةجمر
📝 - ح -١٩ - ( ١٩- ج الثالث )
✍️#فراقد
%%%%%%%%%%%%%%%%%%%%
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
آخ من تضيج روحك 😢
آخ من تكبر حسرتك😮💨
آخ من تطيح 😔
وتكبر الضحكه على أشفاف التحبهم😶🌫️
وتگعد أدور عذر بي ترضي روحك
ليش ضحكو
ليش
ليش
وبين ليش _وليش عينك تترس الدنيا بدمعتك😭
ااااي ______ وتلتفت ماتلگه أحد
وحدك اتكمل عبرتك ....
×××××××××××××××××××××××××
أبتهاج ،، بهجة ،، بهجت ...
من جنت بنية شكد جنت أحب يونس أبن عمي
عشكته وهجي ذبلت روحي عليه،، بس ما حجيت
ولا بينت مشاعري ...
وصارت مشاكل يابوو مشاكل
وشكد عارضت على زواجي من عندة
وشكد بجيت...وشكد دكيت ولطمت
وشكد شبعت كتل بسبب عنادي...
وبتالي شصار ... زوجونا أهلنا بالغصب...
وصدكو أهلنا من كالو القسمة والنصيب يسدن أكبر حلك ...
بداية زواجنا جانت حياتي وياه مثل فرحة العيد
اعيش وياه أحلى أيام واحلى ليالي
بين مدة ومدة ياخذني لفد مكان نغير جو
يفكدني ويعاين شنو محتاجة لو شناقصني
سبحان الله العظيم نزل علية هدوء وسكينه
بعيشتي وياه هجي قلبي وروحي استقرن
من أنام بحظنة أحس بشعور غريب...
اهجس روحي ترتاح
اهجس نبضات قلبي تطابق ويه نبضات قلبه
اهجس كلشي بيه يسكن من اتوسد ذراعة
