#فراقد
#قوقعة-جمر
#ح-١٧ -
*********************
ينشدوني عليك شلون وضعه وياك ...
واكلهم مو طبيعي اهواي داراني.
وتطردني من ادك بابك وأكل للناس
طار من الفرح لمن تلكاني .
+++++++++++++++++++++++++++غيدة /....
التزمت بصلاتي
وصيام الاثنين والخميس
اهجس روحي طبع بيها طعم الدينأني أعرف اقرا وأكتب داخله للمدرسه
بس بطلت من وكت ما كملتبوكت فراغي الزم القرآن وأقرأ لروح رضوان
والروح عمي كريم
والروح اخوي محمدأستحي واخجل لو لبست ثوب كصير لو كصيف
لبست ثوب الحشمهاهجس بلشت اربي نفسي بنفسي
بس تربيه بطعم الدينيمكن كبرت،،،يمكن عقلت
يمكن الدنيا وظروفها جبرتني اسلك هذا الدرب
بس الف الحمد لله حصلت راحتي بهذا المسلكأهلي كلهم بخير ومستقر حالهم
أحنه عايله جبيره وحالنا من حال كل دار عراقي
المحبة تجمع كل افرادنه
والمشكلة تأذينه كلنا لو مرت بواحد من عدنه
((يعني حال العائله بشكل عام يجمعنا
وكل واحد من عدنه عنده مشكله بشكل خاص))نسوان دارنه أكثر من رجالنا
بس كلمن لاهيه بروحها
وتعرف واجبها
والحمد لله متألفات
والفضل يعود لباجي فوزية شامكة الكل
وكل وحده معرفتها حدها.ومن اصفن واعاين،،،كل وحده بينه همها شكل
وكل وحده بينه ماخذه الدنيا من حيلها حيلسودة عليه فرحة ما لحكنه نفرح ببشارة حملها
بساع بساع خذاها النزف
وشالوها للمشفيسودة عليه أخوي كسر خاطري
ذيب هل جثيث وشواربه ثخان
اليعاينه يكول جلاد يشتغل بالاعدامات
بس كلب ما عنده كلب سمجه
وكلب يونس بعد انكس من كلبهانخبص على مرته ويرجف من خوفه عليها
يكلها - فريحه ما رايد الجاهل ليش تعذبين بروحج
ولج موتي روحج وموتيني وياجأخذها للمشفي هو وباجي سماح وباجي كفاح
جواهر مرت عمنه شبيب
مبينه زينه بس بعدها ما تعرف اطباعنه