اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
سأصبر حتى يعجز الصبر عن صبري سأصبر حتى ينظر الرحمن في أمري سأصبر حتى يعلم الصبر أني صبرت على شئٍ أمرّ من الصبر ... ##########################
نضال .... بسمه
ربي يعوضني بالخير والأجر عن خساره طفلي التعبت بحمله قرابة ألاربعة أشهر بعد ما توقف نبضة وتوفى بداخل روحي .
وما عرفت الدكتوره شنو السبب .... أني كتلها تعرضت للضرب ( ضربني أوس ) بس هي كالت :-لا مو بسبب الضرب متوقف النبض عندج غير شي ،،،، وكتبتلي مجموعة تحاليل . بس ما سويتهن ما عندي الراتبي سويت بي مشروع ( سلفة )
وبعد ما أخذني معن للمشفي ودخلوني للعمليات نزلو ( الجنين ) بالكورتاج ليل طلعتني الدكتورة ما عندي شي يخوف الحمد لله أوضاعي تمام ما عندي مضاعفات كالت :- ما يحتاج تباتين اوضاعج زينه ....
رجعت ويه معن للدار بس شنو هو متخربطة أحواله شويه ويتخربط كبالي وجه مصوفر ويسألني : -متوجعه عندج نزف تحسين روحج زينة شدكولين نبات الليلة هنا ( بالمشفي )
دخلنا للدار واعاين أبرار كاعدة وره الباب وميته من البجي بس لمحت معن دخل الباب طفرت عليه وحضنته تبجي بهضم
سألها أبوها:- شبيج
خطية طلعت رجليها لابسه بجامه وقميص أوس ضاربها بالصوندة مشطب رجليها وطالع من الدار ، وتاركها وحدها وهي خطية تخاف كاعده وره باب الشارع
معن دخلني لكبة شكران خطية هو مدلي فراش ، بين ما بدلت ملابسي تمددت دايخه وتعبانة
