✍️ #فراقد
📝 #تكملة - ١١ - ( ١١ - ج ألثاني)
من 👈 حكاية 📖 #قوقعةجمر
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
وياك أنه شقصرت ؟💔
خليك من غربتي
ودمعتي
وشيبي الخاط
طير آنة عندي جنح عرضوا علية السمة
وباقي اعلى مودك حاط💙
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
بسمة /....
للصبح ورجعوا أهلنا...
دخلوا الجنازة...ونزلوا التابوت بنص الصاله...
وأنوب زلمنا تخبلوا يعيطون ويه النسوان
وجابوا ذيب ساندي ولد عمنا بالكوة يمشي
سوده علية أخوي دموعة تهمل
وينادي :- شهرمانه خلصت وياج
شهرمانه منيتج صارت خنك...
شهرمانه شلون أوداع وداعج...
وعمنا صرخ بغصة :- الله يعينك أبنك و مرتك راحوا من أيدك
-منو أبني...؟؟
شنو ضحى لو كوثر بيهن شي
غيدددده وين البنات؟؟؟
- يابه مرتك حامل...
والدكتور الشرحها كال وليد بيها خطية
ذيب هجع من طوله وكع للكاع على ركبة
- يااااااااااااا ياااابه ياااااا كسرتي.......
هنا باجي فوزية استغربت ردت فعلها
هاي المرأه الخايفة الله
الما تترك فرض صلاة
التصوم كل يوم ثنين و خميس
الحاجة ل بيت الله و معمرة
الحاشمة روحها وساتره نفسها كبال الصغير
قبل الجبير....مزكت ثوبها على طوله
وعاطت :- عسااااني مزكته عليك يا نايل العااار
دارنا ضج بالعياط...
زلم و نسوان يتعايطون و يبجون.
مرت عمنا كشفت غطة النعش
طلعت بس وجه المرحومة....
كالت :- يلا تكربن ودعنها
باجي كفاح مخلوسة لا كربت عليها
ولا وصلت يم التابوت...
بس تعاين عليها من بعيد
وعيونها ناطة جافة من الدموع...
بس تلوب وتحرك برأسها بقهر وهضم
خطية البنات خواتها بهجت وشوقية
حارن شلون يبوسنها وشنو يحجن وياها
حت بيداء بوستها...
