حكاية 📖 #قوقعةجمر
📝 - ١٠ - ( ١٠ - ج الثالث )
✍️#فراقد
%%%%%%%%%%%%%%%%%%%%
گون ألهُوا ألبي ريحَتك ينحُضن... 🌸
++++++++++++++++++++++++++شوقية ....
بس خلصنا توزيع الهريس الفجر ...
تمددت وغفيت ،، بعد تعبنا الليل كله سهرانين على الطبخ ...فزيت الباب ادك بقوة تفلشت علينا ...
حمزة متمدد بصفي ،، كعد مخروع
طلع يركض عليها
خطية لابس بس السروال الأبيضيمه وأسمع صوت إخوانه
أبو علاوي ،، وأبو جواد يتعاركون وياه ...!!!طلعت عليهم ،،
يمه أعاين بيدهم مكاوير
وحمزة يشاكف بيده ويدافع عن روحه من ضرباتهميمه رجلي وتوولوه أثنين زلام
شلعت صفحه من الكاع بالعياط ،،
كلبت الدنيا ،،
واعارك وياهم واشكف عن حمزة ضربهم ...صارلي هنا فوك السنتين محد سامع صوتي
وما عدنا أذيه لا على صغير ولا على جبير
ورب الكعبة كل الجيران يحبونه ويحترموناوتندار عليه أحليمه وسكنه والجهال
وهي ( أحليمه ) خطية ما تعرف منو هذول الزلم
حسبالها غربه ومتهجمين علينا ...
وتفازع الحمزة وتعيط ويايه
أمه الإسلام لميناها،،يمكن جمعنا كل أهل الديره عليهمالزلم الغربه فزعوا الحمزة
وبيهم تضاربوا ويه إخوانهأنوب طلع إبن عمهم واكف بره ( غير واحد مو نفسه هذا ال جي علينا ) ..
صرنا فرجه لأمة محمد ...
حمزة راسه مفشوخ الدم أخذه...
داخ ووكع بالكاع ...وآني بس الثوب الخفيف المدلع نص اردان ساترني ..
اكمد براس حمزة والدم يسيح من بين اصابيعي
أبو علاوي عودين صار خير وكام يدفع بأابن عمه
ويريد يسحب أبو جواد حت يطلعون من دارنا
وبس يغلط على حمزة هجي منك هجي من أهلكالا أبو جواد ،، يروح فدوه للسان الدلاله
فشر ،، وغلط ،، وسب ،،حت تفل على حمزة
وهو متمدد ومتخربط بالكاع ..