قوقعه الجمر

ح - ٣ -

حكاية 📖 #قوقعةجمر

📝 - ٣ - ( ٣ - ج الثالث )

✍️#فراقد

حبايب 👈لا تنسوها 💫

حبايب ما عندي موعد محدد للنشر

%%%%%%%%%%%%%%%%%%%%

گوطرن موش هموم چنهن سِرب نوگ
حيل اوجــرن وياي والشــامت يسوگ
#########################

بسمة....نضال //

-ألست حزينا ؟
الميت لا يحزن...
-بماذا يشعر إذا ؟
باللاشيء...
-ماهو اللاشيء ؟
لو كان قابلا للتفسير لما كان لاشيء...
-إذا هو الصمت ؟
أقل من الصمت...
-فراغ ؟
أقل من الفراغ...
-عدم ؟
اقل من العدم...
-هل يوجد أقل من عدم !!!
طبعا... اللاشيء....

-
-

الظهر معن طلع للمسجد ...

وره شويه دكت الباب
أكول منو
محد يجاوبني
عفتها
بعدني غريبة
معن عنده مفتاح هو يفتحها من يجي

توضيت وصليت ...

وكفت بالمطبخ اجهز الغده

دخل معن وياه صوت ولد .

ما طلعت ظليت واكفة بالمطبخ

لمحت ولد مراهق دخل لكبة شكران (ام أوس )
ومعن دخل وراه
بس شنو عصبي ويصيح عليه

الولد عاط بصوت عالي بغصة بجي :- أكرررررهك

يمه ويطلع معن يسوحل بالولد ويعتعت بي من بلوزة
والولد وجهه مكلوب ويبجي

ركضت وحاولت افزعله
سودة عليه تذكرت مأساة أخوي ذيب من جان مراهق
وشلون يضربة عمي عثمان

- معنننن فدوة اروحلك خنكته
عوووفه راح تموته

هو الولد بعصبية دفعني
-ووووووخري حقيرررة أخذتي أبوي من عدنا

معن ما ضربه أبددد بس يدفع بي
- ووولي غسل وجهك

الولد يبجي ودموعه تمطر على وجهه
ويمسحهن بقهر ما يريد يبين هو مكسور
- اروح اجيب أمي

دفعه معن
- أمشي غسل وجهك
وآني أجيب أمك

عاط الولد بصوت عالي - وهاااي وين توديها