حكاية 📖 #قوقعةجمر
📝 - ح - ٢٧- ( ٢٧- ج الثالث )
✍️#فراقد
%%%%%%%%%%%%%%%%%%%
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
يجمره وشابگه اعله الروح .... لاتبرد ولا تهفت ......
+++++++++++++++++++++++++++++++
بسمه .... نضال ....
يمه متت بدمي ضخااام وعزززة يا ابرار منين جبتي هاي الجرأة...يمكن حت هي بلحظتها ما واعيه على روحها ،، بغصة قهر كالت الشجاع :- كل الخير شايف ... يل كلت ما ناسيكم
انوب صوتها ناصي ، ومخنوكه بغصة البجي
ذبت الكلمه ، ومسحت عيونها بقماش النقاب
وسبقتني بخطواتها ...
الولد جمد ... لا حس ولا نفس ... التفت يعاين وراها
اني متت بدمي ، حت ضيعت الكلام
وبعد ما أعرف شلون الغمط السالفة
حميد نفض جكارته للكاع وداس عليها :- هي قسمه وأنت ما مقسوملي مووو هيج ملازم أول شجاع
- حميدددد أسكت لا أقتل هيثم وانعل أبو تفكيره
- أني اترخص
ومشيت بخطوات مخربطة ، مدري أمشي مدري اركض وره أبرار...
يادوب طلعنا باب السياج الخارجي
سمعت حميد ناده عليه :- ااام مسررره انتظري يابه
ما طلعت على الشارع نزلت ودخلت لبستان أهلنا
بعدت وكفتنا عن الشارع وعن ضوء دور أهلنا...
ويلحكني حميد وشجاع ...
أبرار تشهك وتبجي ، لبدت بظهري
صار كبالي حميد ،
وشجاع سحب باكيت الجكاير ورثله جكاره ...
