#فراقد
#قوقعة-جمر
#ح- ٥ -
*********************
اشكد ردت اكتفي بالنظره الاولى وياك
اغمض والفصوص من الجفن تطفر
يانظرة براءه اظل براءه وياك
اذا نظراتي جانت بالجلد تحفرذياب /
خنكت روحي
وشديت حزامي
وطبعت حروف الكتب بدماغيهمي واحد،،،
وفكري متوجه لقضيه وحده
ادرس وانجح من الدور الأول
وأطلع معدل يسوهأختنك وأستحي من طولي
من أخذ مصرف جيبي من يمه مريموجدتي تلفلف الفلوس وبالبسكوت تناوشني
أقنع بروحي واكول اني هسه مجبور
ان شاء الله بعدين اعوض المحبين بكل خير
هسه ما الحك اقرأ وأطلع للشغل
بس أتعب نفسي وادرس ليل نهار
حتى أرضي ذاتينزل عمي شبيب من الواجب
وفتحت وياه موضوع التحاقي بالسلك العسكري
شجعني وكال - شنو التعاينه زين لشخصك
وتعاين نفسك مقتنع بي سوي
أخذ شورك من راسك هذا مستقبلكالكليط فرح بقراري
جدتي ركصت بجفيه تحب الفخر والهيبه
يابه عارف لزم السكته
لا اعترض ولا وافقيمه مريم انكلبت أحوالها
تلوووب وتقنع بيه أقدم على كليه مدنيهوطول مده امتحانات السادس
وهي مكابلتني وتبجي
وتقنع بيه أغير فكريأنوب تكسر خاطري
و انقهر عليها من اعاين لدموعها وخوفها عليهأمي الحقيقيه وسن ما شايله همي مثلها
خلصت امتحانات سادس بتعب
و خلص وياهن واهسي وحيلييونس هم خايف محتاج معدل قوي يصعد للاعداديه
يريد يروح علمي
ما يريد لا صناعه ولا تجارهكلت أرتاح جم يوم بالبيت واشبع نوم
بس من عاينت ليمه مريم ودموعها وخوفها عليه
من الفجر طلعت للشغل
وفتحت باب معمل الدباغه على أيديوكضيت أيام أنتظار النتائج بتعب
و خلصت كل وكتي بالشغل
وأصلا هو شغل دباغه متعب
يرادله حيل وقوه