اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
لا أحد يبوح بكل مايؤلمه فبعض الكتمان كرامة .... +++++++++++++++++++++
أبتهاج .... بهجة .... بهجت
الحمد لله والشكر لله بعد أيام ، وليالي ، وساعات محمله بالهم والقهر ومليانه تعب وتفكير ومطبكه بالف حسبه وحسبه ربي سهل أمري بعد ما قنعت روحي لازم أرجع ليونس
مو الخاطري ،، لان خاطري مستحيل با أعتذار لو بتصرف طيب يكدر يونس يرجع يجبره ،، السواه ويايه مو قليل
بس لخاطر جهالي ...
قائد يحتاج أب على راسه وهو الله يسلمه وكح وصلف ولسانه أطول من عنده ، هسه بعده طفل واكدر أسيطر عليه ،، بس بأجر من يكبر ما اكدرله ،، وجود أبوه يقيم حياته
وبان حساسه ونازكه هجي مايعه وأهجسها بدت تكره أبوها... هنا صفنت ما أريدها تعيد حياتي وتاخذ مشاعري وتظل حاقدها على ابوها طول عمرها
توكلت على الله بعد تفكير طويل ،، حسمت قراري .. اني ما أكدر اعيش بره دار أهلنا
ولا أكدر بعد أواجه أمي وأتحمل عقوق الوالدين وتطلع حوبتها بيه لو بجهالي...
الأفضل ارجع ليونس واظل عايشه تحت جناح أهلنا
باجي فوزية أقرب إليه من أمي استشيرها بالصغيرة والجبيرة بلغتها بقراري كالت :- أحسن ما فكرتي ، عاد الخاطر جهالج خطية أحسن ما يتبهذلون ولو مشعول الصفحه ( تقصد على يونس ) باجر عكبه عال بيج انعل والديه واطرده من الدار
