حكاية 📖 #قوقعةجمر
📝 - ح - ٢٨- ( ٢٨- ج الثالث ) بارتييين طبك
هدية للحبايب 💕✍️#فراقد
%%%%%%%%%%%%%%%%%%%
الحنين أيبين من تگله أاااخ
و يگلك كون بيه اليوجعك
++++++++++++++++++++++بسمة .... نضال
يمه ظليت مخلوسه من معن كشف سر حملي كبال عائلتنا...ظليت اعاين بالوجوه
جني واحد بايكله بوكه .وخجلت من ملاطفه أوس ويه أبوه
واستغربت من نظرات أبرار ، وسؤالها ألاكثر إستغراب
:- خاله صدك حامل !!!بدون ولا كلمة ، مشيت بخطوات مخربطة
ذابحني الخجل من نظراتهم تعديتهم ودخلت الكبتيبس رديت الباب ، وطكيتها بهذيج البجيه
مو اعتراض على رزق الله ، لا وحق هو الله
بس شعور الارتباك والخجل والمستحه سيطر عليهدخل ورايه معن :- هااا خيرج
- عاينت عليه:- شلون صار الحمل
وأني صارلي بل ٨ سنوات ما شيه على نظام المانعرفع أصبعه للسمه :- ربج من يقل للشي كن ، فيكون
هاي بعد شلون صار ، هو أعرف وأعلم .يابه كولي يا الله عليمن البجي ،
- شلون معن ، الولد على باب زواج
وهو جبير مو صغير الله يستر شبابه
المفروض مرته هسه التخلف اله الطفل الثالث لو رابع
مو أني الاحبل ، عيب والله عيب