من 👈 حكاية 📖 #قوقعةجمر ٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
لا سلاماً على من إستهلكونا حتى أهلكونا... فلا دمتم بخير ولا سامحكم الله ... 💔 ++++++++++++++++++++++++++++
بيداء /......
الله لا يوقف الجان السبب بحريمتي من فرحتي بيوم عرسي
اذا جانت أمي (نوال) الحاقدة حت على روحها واتذكر كلامها صدك جانت تشكي وتكول للرايح والجاي :- بنتي ما أمن عليها من تمشي لدار اجدادها ولد عمها يلعبون بيها قصدها على ( ذيب و يونس)
بلا افتهمنا أنتي حاقدة على أجدادي بس تصخمين سمعتي ليش؟؟ ما حسبتي احساب هذا حقدج يلحكني لهذا اليوم؟؟
لو باجي وسن (أم حميد) تردين بنت أختج ما بيها شي...
مو تقدملها حميد وأبوها رجع المشاية لان جدي الكليط صارحه وما ضم علية أن حميد يحبني وراح يخطبني ويه بنته بعد تشهرين بية وطشين عليه سمعة الباطل ليش؟؟
زين من شهرتي بسمعتي وبشرفي ما خفتي الله ....؟؟؟ ما خفتي من العالم تحتقرج وانتي جلدت كصتح واكعة من الصلاة...لو بس المهم تشهرين وتشيعين عليه صيت الباطل
زين ما خفتي الله باجر يطلع بيج حوبة دموعي؟؟ لو تطلع حركة كلبي بستر بناتج!!
بهذيج الليلة المرت على أمة الإسلام اسم الله محسوبة علية ليلة عرس لا نمت ولا غمضت بس أدعي بكلبي على كلمن ظلمني واعيد وازيد ربي أخذ حوبتي
بلشت بيوم جديد بدار جديد والعيشة ويه عايلة جديدة انتكلت على الله وكلت يا معين
أول أيام العرس حمواتي موجودات ولاء و الاء هن شايلات الدار من تنظيف وطبخ وملكه الخطاطير
عمي عثمان مبين زين...
وبساعة الهوسه طارد باجي (أم حميد) من الدار ورايحة زعلانه لدار أختها
