من 👈 حكاية 📖 #قوقعةجمر ٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
يا ألله ... نرجع وياكم نكمل روايتنا [قوقعة جمر]
ونبلش ونقول :- كان ياما كان في قديم الزمان وسالف العصر وألاوان....
حوشكم حرير وحوشنا مرجان وحوش العدو مليان دود وفيران ...
وما يحلا الحديث الا بذكر ألنبي عليه أفضل الصلاة والسلام 🌹🌹🌹🌹🌹....
أبو كوثره ذيب.... بعون الله ونخوه الصديق هيثم (أبو البلي) أنتقل لمكانه الجديد (سجن بادوش) وخلص من مشاكل مكانه القديم
وما شاء الله أنفتحت عليه أبواب البركات بين ماكمل إجراءات النقل من مكان لمكان وأستلم منصبة الجديد (أمرية سجن بادوش) أجاه الترفيع يهلهل وترفع من رتبة النقيب إلى رتبة الرائد
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
وهلمره حمود (أبن عمتهم زوج الاء بنت عثمان) هو صاحب يد المساعدة ورتب أوضاع ذيب وحصلة قدم وترفع إلى رتبة الرائد
بس الرائد ذياب أبو كوثره دخل دورة ترشيق عنده وزن زايد وكرش من أكل الثريد وهذا الشي ممنوع (السمنه) بصفات الضباط
هيثم صديقة يضحك عليه هو رشيق ومحافظ على لياقته البدنية
ذيب لا صابته سمنه لان كان مرتاح بمكان عمله القديم وحاله من حال الموظف المدني الصبح يلتحق للدوام ويرجع العصر للبيت انصاب بالسمنه وظهور الكرش وفقدت لياقته البدنية
هنا الرائد ذياب لعبة روحة أول شي:- ما كان بحسابة نظام وحياة آمرية السجن شي مرعب ومتعب والعاقل ينصاب بالجنون بسبب الشغلات التمر عليهم بهذا المكان
ثاني شي:- تعب من الجوع والركض والتدريب ولازم خلال مدة زمينة معينه يكتسب الوزن المثالي ويفقد الوزن الزائد
وثالث:- شي تعب من بعد الطريق من الفجر يطلع من بيتهم ما يوصل هو والعصر الطريق جدآ بعيد ومتعب
ورابع شي :- تعب من كثر المشاكل ينزل مجاز يريد يرتاح من تعب النفسي الي يواجهة باادارة السجن ويرتاح من تعب الطريق تتلكاه مشاكل زوجته الشهرمانه فريحه .....
