#فراقد
#قوقعة-جمر
#ح- ٧ -
*********************
گلولهم مو بس الصور تلچم الحيل
لا هسه شـوفة حالهم توجـعني
ذياب /التحق للكلية أهلك من التعذيب مو تدريب
صارت اللكمة حسرة علينه
خيرات الله موجودة
بس وكت الأكل جدآ قليلالعريف يعد للعشرة
من ينادي توقف
لآزم أحنه رافعين اليد من القصعة
و شاربين الماي،،،وما ظالة ريحة الأكل بالحلك
ونصرخ بصوت واضح //الحمد لله على النعمهقصعة الريوك الفجر
بالعشرة نحصل شي خفيف
ورة وذان الظهر قصعة الغدة
ورة وذان المغرب قصعة العشه
ما الحك الوج اللكمة
أسرط سرط
أريد بس أشبعأني منا مخوع وجوعان
و آكل بسرعة ما الحك ويه عد العريف
معدتي تنكلب
بس أطلع لباب القاعة أفرغ شكو شي أكلتهوهاي الحاله مو بس إليه أذتني
لا اذت الكثير من الطلابواظل وراها اتلهوج من الحموضه ولعبان النفس
غديت هيكل جلد وعظم
كل ما جالي وأصغر بالنطاق
خصري صار خصر طالب بالمتوسطةشكل عندي تخلخل بالضغط
و ضعف عام،،،،وسوء بالتغذيهصارت حالتي تلف
أفقد و انمد على طولي بساحة التدريبمن أوعه على حالي
اعاين لروحي متمدد بردهه الطبابه العسكريه
وشاديلي مغذيشكل عندي ضيم القالون
و الإمساك،،،وحموضة المعدةطالب ويانه بس بغير قاطع
معلم هيثم على حيله
بس محلفة ما يطلع السر لان يأكل عقوبه معدلهعلمني هيثم عليها
بوكت الوجبه
افتح دكم القميص الجوة القريبه على النطاق
وبغفله العريف الكط الفاكهه شنو موجود
تفاحه لو برتقاله
وادحسها من جهه خاصرتي حتى لا تبين
وأغلق الدكم